भांगरभूंय | प्रतिनिधी
बेमेतरा, खबरां संस्था: छत्तीसगडांतल्या बेमेतरा हांगा रातचें उसरां एके पिकपीन पार्क केल्ल्या ट्रकाक धपको दिलो. ह्या अपघातांत ९ जाणांक जाग्यारूच मरण आयलें. हातूंत ५ बायलो आनी ३ भुरग्यांचो आसपाव आसा. २३ परस चड जाण जखमी जाले. तांतले चार जाण गंभीर आसात. जखमींक रायपूर एम्सांत धाडल्यात. बेमेत्रा पुलीस ठाण्याचे हद्दींतल्या काठिया गांवांत हो अपघात जालो.
मेळिल्ले म्हायती प्रमाण, सिमगा लागसारा तिरैया गांवांत छठी कार्यावळीक वांटेकार जावपा खातीर ३५ परस चड लोक पिकपिंतल्यान वताले. कार्यावळींतल्यान परततना रातच्या सुमार अडेजांक हो अपघात घडलो. हे सगळे पाथरा गांवचे रावपी.
ह्या णव जाणांक मरण आयलें
भूरी निषाद (५०)
नीरा साहू (५५)
गीता साहू (६०)
अग्नि साहू (६०)
खुशबू साहू (३९)
मधु साहू (५)
रिकेश निषाद (६)
ट्विंकल निषाद (६)
णव्व्या मरण आयिल्ल्याचें नांव आजून कळूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
