भांगरभूंय | प्रतिनिधी
फोंडें, प्रतिनिधी: कुळें पुलिसांनी आयतारा रातचो रेल्वे स्टेशना लागसारा सुमार ४०.३९ लिटर सोरो जप्त केलो. जप्त केल्ल्या सोर्याची किंमत सुमार १९, ६४४ रुपया आसा. कुळें पुलिसांनी पंचनामो करून जप्त केल्लो सोरो अबकारी खात्या कडेन दिलो.
मेळिल्ले म्हायती प्रमाण, रेल्वे स्टेशना लागसारा गस्तीचेर आशिल्ल्या कुळें पुलिसांक एके कडेन सोरो सांपडलो. तो रेल्वेंतल्यान व्हरपाचो यत्न दुबावितांनी केल्लो. हे सुवातेर पुलिसांनी विवीध तरेच्यो वट्ट ६८ सोर्याच्यो बाटल्यो सांपडल्यो. हो सोरो जप्त केल्ल्यान सोमारा सांगें अबकारी खात्याच्या अधिकार्यां कडेन दिलो. निरीक्षक सगूण सावंत हांच्या मार्गदर्शना खाला ही कारवाय केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
