भांगरभूंय | प्रतिनिधी
शरीराचे बरे भलायके खातीर संतुलीत आहार आनी वांगडा व्यायाम करप सामकें गरजेचें. व्यायामाचे नदरेन पळयल्यार सकाळीं मॉर्निंग वॉक आनी रातचें जेवण जाले उपरांत चलपाक वचप हें सामान्यपणान जायते लोक करतात. कारण दर दिसा कांय काळ चलप हें कुडीचे भलायकेक खूब फायद्याचें आसता. दर दिसा चल्ल्यार कुडीचीं सुटसुटीतपणां तिगून उरता. चड वेळ चलतले तितली तुमची कॅलरीज बर्न जावपाक मदत करतले.
जर तुमकां तुमचें शरीर भलायकेचे नदरेन घटमूट दवरपाक जाय जाल्यार चलप हो सगळ्यांत सोंपो व्यायाम. मात हाचे वांगडा खंयचे पिरायेचेर लोकांक दर दिसा कितलीं पावलां चलप गरजेचें हेंय हातूंत म्हत्वाचें. हे विशीं दरेकल्याक योग्य म्हायती आसताच अशें ना.
पिराये प्रमाण सदांच कितलें चलचें?
१) पिराय स ते सतरा वर्सां: हे पिरायेच्या चल्यांनी सदांच १५००० पावलां चलचीं आनी चलयांनी १२००० पावलां.
२) १८ ते ४० वर्सां पिराय: हे पिरायेच्या व्यक्तींनी सदांच १२,००० पावलां चलप गरजेचें.
३) ४० ते ४९ वर्सां पिराय: हे पिरायेच्या व्यक्तींनी सदांच ११ हजार पावलां चलप फायद्याचें थारतलें.
४) ५० ते ५९ वर्सां पिराय: हे पिरायेच्या लोकांनी सदांच ११००० पावलां चलचीं.
५) ६० वर्सां पिराय आनी ताचे परस चड पिरायेच्या लोकांनी सदांच आठ हजार पावलां चलप गरजेचें.
कितल्या वेगान चलचें?
चलतना एक निश्चीत वेग मर्यादा दवरप खूब गरजेचें. हातूंत उण्यांत उणीं १०० पावलां चलपा खातीर एक मिनीट वा चार ते पांच किलोमीटर एक वर घेवप शरिरा खातीर फायद्याचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
