भांगरभूंय | प्रतिनिधी
काणकोण: भाजपाच्यो दक्षीण गोंयच्यो उमेदवार पल्लवी धेंपो हांकां काणकोण नगरपालिकेंतल्या विरोधी गटाच्या चार नगरसेवकांनी तेंको दिला. तातूंत आदल्यो नगराध्यक्षा आनी सद्याच्यो नगरसेविका नितू समीर देसाय, सुप्रिया शेखर देसाय, नगरसेवक शुभम कोमरपंत, पांडुरंग उर्फ धीरज नायक गांवकार हांचो आस्पाव आसा.
हालींच आदले नगराध्यक्ष समीर देसाय, शेखर देसाय, धीरज नायक गांवकार, शुभम कोमरपंत हांणी मुख्यमंत्री डॉ. प्रमोद सावंत आनी प्रदेश अध्यक्ष सदानंद शेट तानावडे हांची भेट घेवन दक्षीण गोंयच्यो भाजपाच्यो उमेदवार पल्लवी धेंपो हांकां आपलो तेंको जाहीर केलाे.
ह्या वेळार आदले उपमुख्यमंत्री चंद्रकांत कवळेंकार हाजीर आशिल्ले. तांणीच ह्या नगरसेवकां कडेन मध्यस्ती केल्ल्यान भाजपाक काणकोण पालिकेच्या विरोधी गटाचो तेंको मेळोवपाक येस आयलें.
फाटले विधानसभा वेंचणुकेंत हातूंतल्या खूबशा जाणांनी रमेश तवडकार हांच्या विरोधांत वचून इजिदोर फर्नांडीस हांकां तेंको दिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
