भांगरभूंय | प्रतिनिधी
तुमीय झोमेटो वयल्यान जेवण ऑर्डर करतात जाल्यार ही बातमी तुमचे खातीर म्हत्वाची. ऑनलायन फूड डिलिव्हरी प्लॅटफॉर्म झोमॅटो वयल्यान आतां खावपाचे जिन्नस ऑर्डर करप म्हारग पडटलें. आपले जानेवारी ते मार्च ह्या तीन म्हयन्यांचो निकाल जाहीर करचे पयलींच झोमॅटोन प्लॅटफॉर्म फी २५ टक्क्यांनी वाडोवन पांच रुपया प्रती ऑर्डर करून गिरायकांक बरोच व्हड धपको दिला. कंपनीन मार्च तीन म्हयन्यांचे अर्थीक निकाल जाहीर करपाच्या कांय सप्तकां आदीं ही घोशणा केली. वांगडा झोमॅटोन इंटरसिटी लीजेंड्स फूड डिलिव्हरी सेवा स्थगीत केल्या.
झोमॅटोन ऑगस्ट २०२३ त आपली मार्जीन वाडोवपाक आनी कंपनीक फायदो मेळोवन दिवपाक दोन रुपया प्लॅटफॉर्म फी सुरू केल्ली. उपरांत तीन रुपया आनी १ जानेवारीक ४ रुपया केली. जाल्यार आदीं ३१ डिसेंबराक कंपनीन प्लॅटफॉर्म फी तात्पुरती ९ रुपया केल्ली.
वर्सभर कोट्यांनी ऑर्डरी
प्लॅटफॉर्म फी वाडयल्ल्यान डिलिव्हरी शुल्का वयलो जीएसटीचो परिणाम मात्सो उणो जातलो. झोमॅटो दर वर्सा सुमार ८५- ९० कोटी ऑर्डर पुराय करता. जाल्यार आतां सुविधा शुल्कांत दरेकी १ रुपया वाढीचो EBITDA चेर ८५- ९० कोटी रुपयांचो सकारात्मक परिणाम जावपाक शकता, जो सुमार ५% आसा. मात, ही वाड सध्या कांय शारांनीच लागू जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
