भांगरभूंय | प्रतिनिधी
पणजी, प्रतिनिधी: कॉंग्रेसीचो जाहीरनामो पळोवन भियेल्ले भाजपाचे अध्यक्ष सदानंद शेट तानावडे हांणी ज्येश्ठ नागरीक आनी समाजीक कार्यकर्त्यांचो अपमान केला. गोंयांक आंदोलनाचो इतिहास आसा. भाजपाच्या नेतृत्वान भाजपा आड आयिल्ल्या ल्हाराची दखल घेवची आनी गोंयकारांचो अपमान करप बंद करचें, अशी शिटकावणी कॉंग्रेसीचे माध्यम विभाग मुखेल अमरनाथ पणजीकार हांणी दिली.
कॉंग्रेसीच्या जाहीरनाम्याची ज्येश्ठ नागरीक आनी समाजीक कार्यकर्त्यांची मानसिकताय अशी तुळा करपी भाजप अध्यक्षांच्या वक्तव्याचेर प्रतिक्रिया उक्तायतना कॉंग्रेस फुडारी अमरनाथ पणजीकार हांणी भाजपाच्या अभिमानाक जनताच धडो शिकयतली, अशें तांणी फुडें म्हणलें.
गोंयांक आंदोलनाचो इतिहास आसा. गोंय क्रांती आंदोलन, राजभास आंदोलन, विद्यार्थ्यांक ५० टक्के बस सूट, घटकराज्याचो दर्जो, प्रादेशीक आराखडो रद्द करप ह्यो सगळ्यो गजाली समाजीक कार्यकर्त्यांनी सुरू केल्ल्या आंदोलनांतल्यान घडून आयल्यो. एनजीओ आनी समाजीक कार्यकर्त्यांनी गोंयां खातीर व्हड योगदान दिलां. २०२४ त ‘भाजप हटाओ आंदोलन’ सुरू जालें, अशें अमरनाथ पणजीकार हांणी म्हणलां.
कॉंग्रेसीचो जाहीरनामो गोंयच्या आकांक्षांचें प्रतिबिंब. जाहीरनाम्यांतल्या २१ मुद्यांनी कॉंग्रेस गोंयचे अस्मितायेची राखण करतलें असो स्पश्ट संदेश गोंयकारांक मेळ्ळा. आमची गॅरंटी व्होरंटी सयत आसा, असो दावोय पणजीकार हांणी ह्या वेळार केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
