भांगरभूंय | प्रतिनिधी
रावळपिंडी, खबरां संस्था: पाकिस्तानांतल्या रावळपिंडी शारांत २७ वर्सां पिरायेचे बायलेन एकाच वेळार ६ भुरग्यांक जल्माक घातलें. हे बायलेन शुक्रारा रावळपिंडी जिल्हो हॉस्पिटलांत ‘सेक्सटुप्लेट्स’ (म्हणल्यार स) भुरग्यांक जल्म दिलो. हे घडणुकेक लागून वैजकी जगांत चर्चा सुरू आसा.
पाकिस्तानांतल्या एका दिसाळ्या प्रमाण, हजारा कॉलनींत रावपी मोहम्मद वहीद हांची घरकान्न झीनत वहीद ही गुरवार आशिल्ली. बिरेस्तारा तिका कळो येवपाक लागिल्ल्यान हॉस्पिटलांत दाखल केल्ली. उपरांत झीनतान एका वरांत एका फाटल्यान एक अश्या ६ भुरग्यांक जल्म दिलो.
जिल्हो हॉस्पिटलांतले वैजकी अधीक्षक डॉ. फरझान हांणी, स बाळकां मदीं ४ चले आनी २ चलयो आसात, अशें सांगलें. सगळ्या स भुरग्यांचें वजन दोन पावंड परस उणें आसा. भुरगीं आनी आवयची भलायकी बरी आसा. दोतोरांनी भुरग्यांक इनक्युबेटरांत दवरल्यां. तांच्या जिवाक कसलेच तरेचो धोको ना. झीनताची ही पयलीच प्रसूती आशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
