भांगरभूंय | प्रतिनिधी
नवी दिल्ली, खबरां संस्था ः दिसान दीस भारतांत व्हड प्रमाणांत परदेशी कंपनीं गुंतवणूक करपाक लागल्यात. कोरोना संकश्टा उपरांत जायत्या व्हड कंपनींनी चीनांतली गुंतवणूक उणी केल्या. ताचो फायदो भारतीय बाजारपेठेक जावपाक लागला. मजगतीं, भारतांत सध्या व्हड प्रमाणांत स्मार्टफोन तयार करतात. मेळिल्ले म्हायती प्रमाण देशांत आयफोन निर्यातींत दुपेटीन वाड जाल्या. 2023-24 अर्थीक वर्सा भारतांतल्यान स्मार्टफोनाची वट्ट निर्यात 16.5 अब्ज डॉलर जाल्या. हाचो देशाक व्हड फायदो जावपाक लागला.
ऍपल ते टेस्ला मेरेन जायत्या व्हड कंपनींक भारतीय बाजारपेठेचो फायदो जावपाक लागला. मेळिल्ले म्हायती प्रमाण 2023-24 अर्थीक वर्सा भारतांतल्यान परदेशांत 12.1 अब्ज डॉलर स्मार्टफोनाची निर्यात जाल्या. हातूंत सगळ्यांत व्हडलो वांटो आयफोनचो (iphone export) आसा. फाटल्या वर्साचे तुळेंत ही वाड व्हड आसा. फाटल्या वर्साच्या ह्याच काळांत आयफोनाची निर्यात 6.27 अब्ज डॉलर आशिल्ली.
आयफोनाची मागणी मतींत घेतल्यार उत्पादनांत व्हड प्रमाणांत वाड जाल्या. आयफोनाच्या जागतीक पुरवण साखळींत भारताची म्हत्वाची भुमिका आसा. मजगतीं, अमेरिकेच्या बाजारांत भारतांत तयार केल्ल्या आयफोनाची मागणी सतत वाडत आसा. हे परिस्थितीक लागून सध्या भारत चीना कडेन सर्त करता.
मजगतीं, फुडल्या काळांत उत्पादनांत आनीक वाड जातली. देखूनच एपल कंपनी भारतांत पांच लाख नोकरी संद उपलब्ध करतली. हाका लागून भारतांत नोकऱ्यांचो आंकडो तीन पटींनी वाडटलो. भारतांत ऍपल कंपनी विस्तार करपाचो यत्न करता. देखून सध्या कंपनी वेगवेगळीं रणनिती तयार करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
