भांगरभूंय | प्रतिनिधी
हिंदू समजुतीप्रमाण जेवण जेवतना वा तयार करतना कांय म्हत्वाचे नेम पाळप सक्तीचें आसा. अन्न तयार करचे पयलीं लोकांची कुड आनी मन शुद्ध आसप खूब गरजेचें. जेवण सदांच निवळ सुवातेर करचें. शास्त्रा प्रमाण जेवणा पयलीं भोजन मंत्र म्हणप हिंदू धर्मांत खूब शुभ मानतात.
१. जेवणा पयलीं हो मंत्र म्हणात
ॐ सह नाववतु, सह नौ भुनक्तु, सह वीर्यं करवावहै। तेजस्वि नावधीतमस्तु मा विद्विषावहै ॥ ॥ ॐ शान्तिः शान्तिः शान्तिः ॥
२. जेवणाचो अपमान करचो न्हय
जेवतना अन्नाचो केन्नाच अपमान करचो न्हय आनी सदांच उजव्या हातान जेवप शुभ मानतात.
३. खंयचे दिकेन बसून जेवण जेवप
हिंदू परंपरेंत खंयचेंय काम करपा खातीर शुभकाळ आनी शुभ दिका हाका खाशेलें म्हत्व आसता. योग्य वेळार योग्य दिशेन बसून जेवण जेवप सदांच बरें मानतात. हिंदू समजुती प्रमाण उदेंत दिका देवांची दिका मानतात, देखून पूर्वेक तोंड करून जेवप शुभ आसता.
४. अन्न दान करात
तुमकां तुमचें घर जेवण आनी पयशांनी भरिल्लें आसचें अशें दिसता जाल्यार तुमी सदांच दान करचें. ह्या अन्नधान्याचें दान म्हादान सारकें मानतात. अशे परिस्थितींत सामान्य लोकां खातीर तशेंच जनावरां आनी सुकणीं खातीर ते दर दिसा दान करचें.
५. योग्य जेवणाचो नेम
हिंदू समजुती प्रमाण अन्न सदांच जमनीर सकयल बसून खावंक जाय. जेवपाक शकता तितलेंच जेवण घेवचें. जेवण केन्नाच ताटांत सांडचें न्हय. चुकून पसून खाटीर बसून जेवचें न्हय. मनशान सदांच तन- मन शुद्ध दवरुन शांतपणान जेवचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
