भांगरभूंय | प्रतिनिधी
ह्यो चिठ्ठ्यो हातांनी मेजपाची मागणी अवेव्हारीक: सर्वोच्च न्यायालय
नवी दिल्ली, खबरां संस्था: ईव्हीएम, व्हीव्हीपॅटच्यो चिठ्ठ्यो (स्लिपी ) १०० टक्के जुळपाक त्यो हातांनी मेजपाची मागणी अवेव्हारीक आशिल्ल्याचें सर्वोच्च न्यायालयान सांगलें.
कोर्टान म्हणलें, मनशाच्या हस्तक्षेपाक लागून चुको जावपाक शकतात. मंगळारा ह्या प्रकरणाचे सुनावणे मजगतीं याचिकाकर्त्यान युक्तिवाद केलो, ईव्हीएम आनी व्हीव्हीपॅटांत लागपी चिप प्रोग्राम करूं येता. अशा वेळार यंत्राचें कितेंय करून निकाल बदलपाची शक्यताय न्हयकारूं येना. तांणी मतपत्रिका प्रणालीचेर परत वचपाची, मतदाराक व्हीव्हीपॅट स्लीप दिवपाची, ती मतपेटयेंत जमा करपाची आनी चिठ्ठ्यो मेजपाची परवानगी दिवपाची वा यंत्रांचे हारशे पारदर्शक करपाची आनी सगळ्यो व्हीव्हीपॅट चिठ्ठ्यो मेजपाची परवानगी दिवची अशी मागणी याचिकादारान केल्या.
न्या. संजीव खन्ना आनी न्या. दिपांकर दत्ता हांचें खंडपीठ अशासकीय संघटणा असोसिएशन फॉर डेमोक्रॅटीक रिफॉर्म्सचे (एडीआर) याचिकेर सुनावणी घेतालें. पिठा मुखार याचिकाकर्त्यां वतीन वकील प्रशांत भूषण हांणी म्हणलें, ईव्हीएम आनी व्हीव्हीपॅट ह्यो दोन विंगड विंगड तरेच्यो चीप आसतात. एक मेमरी आशिल्ल्यान ती प्रोग्राम करूं येता. जाल्यार दुसरी फ्लॅश मेमरी आसता. प्रत्येक यंत्रांत एक प्रोग्राम इन्स्टॉल करचो पडटा. तो अशें सांगता, ३ नंबरांचे बटण दामल्यार खंयच्या वेंचणूक चिन्हांची चिठ्ठी व्हीव्हीपॅटाक प्रिंट करची पडटली. म्हजें म्हणणे आसा, या यंत्रांत लागपी चिप प्रोग्राम करूं येता. तशेंच वेंचणूक आयोगान हो युक्तिवाद निराधार आशिल्ल्याचें सांगलां. प्रकरणाची फुडली सुनावणी १८ एप्रिलाक जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
