भांगरभूंय | प्रतिनिधी
देशभरांतल्या 30.75 हजार लोकांचेर केले सर्वेक्षण
नवी दिल्ली, खबरां संस्था ः देशांतली जाण्टी लोकसंख्या बरी जीण जगपाक लागल्या. तीन चतुर्थांशां परस चड लोक जिणेत खोशी आसतात. 96% लोकांक जाण्टे जातकच गैरवागणुकेक तोंड दिवचें पडना. 93.2% लोक जाण्टेपणांत लेगीत निराश नात. ही गजाल लॉगिंट्यूडनल एजिंग स्टडी इन इंडियाच्या (एलएएसआय) ह्या ताज्या सर्वेक्षणांतल्यान दिसून आयल्या. देशभरांतल्या 30.75 हजार लोकांचेर हें सर्वेक्षण केलां.
फक्त गिरेस्त देशांतलेच जाण्टे भलायकेन बरे आनी समाधानी आसात, असो समज ह्या सर्वेक्षणांन चुकीचो थारायलो. ह्या सर्वेक्षणांत निवृत्त नाशिल्ले आनी अर्थीक स्थिती बरी आशिल्ले जाण्टे लोक चड आसात. चड शिकिल्ले, उच्च जातीचे जाण्टे लोक तुळेन समाधानी जीण जगतात. सर्वेक्षणाच्या मतान 60 वर्सां उपरांतच्या जिवितांतलें सुख भेदभाव नाशिल्लें जिवीत, स्वताक निरोगी मानप आनी बरें आयुश्य अशा तीन गजालींचेर आदारून आसता.
गॅलपाच्या सर्वेक्षणांत सुख मेजपा खातीर पयलेच खेपे पिरायेच्या गटा प्रमाण डेटा एकठांय केलो. भारतांत सकयल्या मध्यम पिरायेच्या गटांतले म्हळ्यार 30 ते 45 वर्सां पिरायेचे लोक सगळ्यांत चड खोशी आसतात, जाल्यार 30 वर्सां मेरेनचे तरणाटे सगळ्यांत चड नाखूश आसतात. जिवीताचे मुल्यांकन, सकारात्मक आनी नकारात्मक भावनांचें आदारुन हे सर्वेक्षण तयार केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
