भांगरभूंय | प्रतिनिधी
वाॅशिंग्टन, खबरां संस्था ः अमेरिकेंत फाटल्या धा वर्सां सावन बायलां मदीं सोऱ्याचो वापर वाडत आसा. तज्ञांच्या म्हणण्या प्रमाण 18 ते 25 वर्सां पिरायेचे दादले चड प्रमाणांत सोरो पिताले. आतां 26 ते 34 वर्सां पिरायेच्या लोकां मदीं चड प्रमाणांत पिवप सामान्य जालां. हातूंत बायलांचो आंकडो नेटान वाडत आसा.
कोलंबिया विद्यापीठांत प्रा. कॅथरीन कीज हांच्या मतान, फाटल्या दशकां परस बायलांचें लग्न आतां उसरां जाता. लग्न जाले उपरांत भुरगींय उसरां जल्माक येवपाक लागल्यांत. ‘प्यू’च्या सर्वेक्षणा प्रमाण पयल्या लग्नाच्या वेळार सुमार 49% दादले आनी 40% बायलो 30 वर्सां वयर आसात. 1950 वर्सा पयल्या लग्नाची पिराय बायलांची 20 वर्सां आनी दादल्यांची 22 वर्सां आशिल्ली. 2023 वर्सा ही वाड दादल्यां खातीर 30.2 वर्सां आनी बायलां खातीर 28.4 वर्सां जाली. वाड जावपाचें समाजीक नदरेन आनीक एक कारण म्हणल्यार बायलां दादल्यां इतलें वा तांचे परस चड पियेतात. जामा हेल्थ फोरमांत उजवाडाक आयिल्ल्या एका अभ्यासा प्रमाण सोऱ्याक लागून जावपी दुयेंसां आनी मरणां लेगीत बायलां मदीं वाडत आसात. दोन दशकांच्या आंकड्यां प्रमाण बायलां मदीं सोऱ्याक लागून मरण येवपाचें प्रमाण 14.7% वाडलां. दादल्यां मदीं तें 12.5% आशिल्लें. सोऱ्याक लागून बायलां मदीं विखारी पदार्थ आंगांत चड काळ रावतात.
अभ्यासा प्रमाण 2016 ते 2021 ह्या काळांत चड सोऱ्याच्या सेवनाक लागून मरण येवपाक 30 टक्क्यांनी वाड जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
