आयज पुराय राज्यांत मनयतली रमजान ईद
भांगरभूंय | प्रतिनिधी
कोरगांव, बातमीदार: आयज पुराय भारतांत तशेंच गोंयभर मुस्लीम भावांनी ईद उल फित्र (रमजान ईद) मनयली. सकाळीं फुडें मशीदींत वचून नमाज अदा केली. सगळ्यांनी एकामेकांक रमजान ईदाचीं परबीं भेटयलीं.
मजगतीं, देवसू- कोनाडी कोरगांव पेडणेंच्या मशिदींत आयज सकाळीं ईद उल फित्र रमजान ईद व्हडा उमेदीन आनी भक्तीभावान मनयली. ह्या वेळार सुमार ८०० मुस्लीम भाव सकाळीं नमाज अदा करपाक हाजीर आशिल्ले.
देवसू-कोनाडी कोरगांवचे पंच वांगडी आनी मशीद पदाधिकारी अब्दुल नायक हांणी गोंयच्या सगळ्या मुस्लीम भावांक तशेंच हिंदू आनी क्रिस्तांव भावाक रमजान ईदाचीं परबीं भेटयलीं.
ह्या वेळार पेडणें पुलीस उपअधीक्षक जिवबा दळवी आनी पुलीस निरीक्षक सचिन लोकरे हांच्या नेतृत्वाखाला पेडणें पुलीस मशिदी भायर बंदोबस्ता खातीर आशिल्ले. तशेंच येरादारी पुलीस निरीक्षक विश्वजीत चोडणकार हांच्या नेतृत्वा खाला येरादारी पुलिसांनी येरादारीची कोंयडी जावची न्हय हाची दखल घेतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
