भांगरभूंय | प्रतिनिधी
पेडणें, प्रतिनिधी : गोंयच्यान महाराष्ट्रांत वचपी एमएच ४७०१ ह्या ट्रकांतल्यान व्हडा प्रमाणांत चोरयेचो सोरो व्हरता असो दुबाव तपासा वेळार पत्रादेवी अबकारी चेक नाक्या वयल्या अधिकार्यांक आयलो. ताका लागून अधिकार्यांनी ट्रक ताब्यांत घेतलो. तपासा वेळार ह्या वाहनांत वट्ट ४२ लाख ६३ हजारांचो सोरो आनी ट्रक जप्त करपाक अबकारी विभागाक येस आयलें. ट्रकाचें मोल ३८ लाख रुपया आशिल्ल्यान जप्त केल्ल्या सोर्याची आनी वाहनाची मेळून वट्ट ८० लाख ६३ हजार किंमत जाता.
अबकारी विभागाचे अधिकारी राजेश नायक हांच्या मार्गदर्शना खाला वासुदेव गांवस, महेश गांवकार, भारत पागी आनी हेरांनी ह्या चेक नाक्यार रावून महाराष्ट्रांतल्यान वचपी, हो चोरयेचो सोरो येरादारी करपी ट्रक आडायलो. ही घडणूक आयज म्हळ्यार १० एप्रिलाक सकाळीं घडली.
ह्या ट्रकांत इलेक्ट्रॉनीक कोयर आशिल्ल्याचो दावो वाहन चालक करतालो. वाहन चालक आनी क्लिनर दोगांकूय अबकारी विभागान ताब्यांत घेतल्या. फुडलो तपास चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
