भांगरभूंय | प्रतिनिधी
छत्तीसगड, खबरां संस्था: छत्तीसगडच्या रायपूर- दुर्ग मार्गार बस ५० फूट खोल दरयेंत कोसळ्ळी. ह्या अपघातांत १२ मानायांक मरण आयलें. ड्रायव्हराचें बसी वयलें नियंत्रण सुटिल्ल्यान बस कोसळ्ळी. राज्य सरकारान चवकशेचे आदेश दिल्या. प्रधानमंत्री मोदी हांणी अपघाता विशीं दुख्ख उक्तायलां.
हे विशीं चड म्हायती प्रमाण, मंगळारा रातचो हो अपघात जालो. हे बसींत ५० जाण आशिल्ले. १२ जाणांक मरण आयलें. जाल्यार २० परस चड जाण जखमी जाले. गंभीर जखमी जाल्ल्यां मदल्या १० जाणांची भलायकी हु्स्क्याची आसा. दुर्ग जिल्ह्यांतल्या केडिया डिस्टिलरीच्या सुमार ५० कामगारांक घेवन ही बस वताली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
