भांगरभूंय | प्रतिनिधी
० पर्राच्या श्री वरद सिध्दीविनायक मंदिराच्या, श्री गणेश मंडळ पर्रा ट्रस्टा वतीन संस्कार शिबीर वर्गाचें आयोजन केलें. हें शिबीर येवपी ता. १५ ते ३० एप्रील मजगतीं सांजेवेळार ६ ते ७ ह्या वेळार देवळांत जातलें.
० शिरोडच्या श्री नटराज कला-विकास मंडळा वतीन १० ते १५ पिरायेच्या गटांतल्या विध्यार्थ्यां खातीर बाल नाट्य-संस्कार प्रशिक्षण शिबीर आयोजीत केलां. बँक ऑफ इंडियाच्या शिरोडा फांट्याच्या फाटल्यान आशिल्ल्या श्री विश्वकर्मा कला-मंडपांत आयतार ता. २१ एप्रील ते आयतार ता. ५ मे मेरेन सांजेवेळार ४ ते ६ मजगतीं वचपी ह्या शिबिरांत नाट्य अभिनया वांगडा नाट्य वाचन, संभाशणनाच, पार्श्वसंगीत, ध्वनी आनी प्रकाश येवजण, मेकअप, भेसवण नेपथ्य आनी हेर नाट्य-शास्त्रासंबंदीत विशयाचेर तज्ज्ञ तशेंच अणभवी ज्येश्ठ नाट्य कलाकारां कडल्यान मार्गदर्शन करतले. नाट्य प्रशिक्षणा खातीर गरजेचें आशिल्लें सामान आनी साधनां आयोजकां वतीन पुरवण करतले.
० दुकतळे, काराय- शिरोड्यां हनुमान देवस्थानांत ता. २३ दिसा विंगड विंगड कार्यावळींनी आयोजीत केला. सकाळीं ६.१५ वरांचेर हनुमान जन्मोत्सव, १० वरांचेर सत्यनारायण महापूजा, दनपरां आरत्यो, तिर्थप्रसाद आनी उपरांत महाप्रसाद जातलो. दनपरां ४ वरांचेर थळाव्या कलाकारांचें भजन सादर करतले. रातच्या ९ वरांचेर सांस्कृतीक कार्यावळीन होउत्सव सोंपतलो.
० स. श्रीमती सुषमा सुभाष वेलिंगकार स्मृती प्रतिश्ठानाचो पयलो वर्धापन दीस बिरेस्तार ता. ११ एप्रिलाक सांजेच्या साडेचार वरांचेर पाटो पणजे हांगच्या कला आनी संस्कृती भवनांतल्या सभाघरांत आयोजित केला. ह्या वेळार न्यासा खाला नियमीत स्वरूपाचें पणजे ’भलायकी सेवा केंद्राचें’ उक्तावण जातलें.
० बागवाडो मोरजेच्या श्री दत्तात्रेय देवस्थानांत शिखर कलशारोहण सुवाळो ९ ते १८ एप्रील मेरेन जातलो. मंगळार ता. ९ एप्रीलाक सकाळीं १०.३० वरांचेर पादुकांचा शुध्दीकरण सुवाळो स्वाती किशोर मुळे हांच्या यजमानपदा खाला ह्या सुवाळ्याची सुरवात जातली. धा दिसांचो हो उत्सव विंगड विंगड धर्मीक आनी सांस्कृतीक कार्यावळींनी मनयतले. भाविकांनी ह्या उत्सवाक व्हडा संख्येन हाजीर रावपाचो उलो देवळाचे समितीन मारला.
० मळा- कुंभारजुवेंच्या फिलोमेन डिसा मैदानार चोवथ्या १४ वर्सां पिराये सकयल्या भुरग्यां खातीर शालेय टेनिसबॉल क्रिकेट सर्तीचें आयोजन केलां. ही सर्ती ता.१० ते १२ एप्रिलाक जातली. कुंभारजुवेंच्या स्पार्कलिंग स्पोर्ट्स अँड कल्चरल क्लबान गोंय टेनिसबॉल क्रिकेट संघटणेच्या जोड पालवान हे सर्तीचें आयोजन केलां.
० हिंदू सांस्कृतिक न्यास वतीन चैत्रशुध्द प्रतिपदा गुढीपाडव्या निमतान मंगळार ता. ९ एप्रीलाक गुढी रोवपाची कार्यावळ सकाळीं ७ वरांचेर जातली. ही कार्यावळ फोंडेंच्या क्रांती मैदानार जातली. ह्या दिसा सकाळीं ६ वरांचेर गुढीपाडवो समारंभाक सुरवात जातली अशी म्हायती अध्यक्ष जयंत मिरींगकार हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
