भांगरभूंय | प्रतिनिधी
मडगांव, प्रतिनिधी : गिमाच्या हंगामांत प्रवाशांची जावपी गर्दी उणी करपा खातीर मध्य रेल्वेच्या समन्वयान गाडी क्रमांक ०१४६३ / ०१४६४ लोकमान्य टिळक (टी) – कोचुवेली – लोकमान्य टिळक (टी) (साप्ताहीक) विशेश गाडयो चलोवपाचो निर्णय घेतला.
गाडी क्रमांक ०१४६३ लोकमान्य टिळक (टी) – कोचुवेली विशेश सप्तकी गाडी लोकमान्य टिळक (टी) हांगच्यान ११ एप्रील ते ६ जून मेरेन दर बिरेस्तारा १६.०० वरांचेर सुटतली. ही गाडी दुसर्या दिसा २०.४५ वरांचेर कोचुवेलीक पावतले.
गाडी क्र. ०१४६४ कोचुवेली – लोकमान्य टिळक (टी) विशेश सप्तकी गाडी कोचुवेली हांगच्यान १३ एप्रील ते ८ जून मेरेन दर शेनवार १६.२० वरांचेर सुट्टली. ही गाडी दुसर्या दिसा २१.५० वरांचेर लोकमान्य टिळक (टी) हांगा पावतली.
१८ डब्यांची ही गाडी ठाणे, पनवेल, रोहा, चिपळूण, रत्नागिरी, कणकवली, सिंधुदुर्ग, सावंतवाडी रोड, मडगांव जंक्शन, कारवार, कुमटा, कुंदापुरा, उडुपी, मंगळुरु जंक्शन, कासरगोड, कन्नूर, कालिकत, तिरूर, शोरनूर जंक्शन, एर्नाकुलम टावन, कोट्टायम, तिरुवल्ला, चेंगन्नूर, कायनकुलम आनी कोल्लम जंक्शनाचेर आडायतले. गाडयांच्या तपशीलाचेर थांबे आनी वेळा खातीर www.enquiry.indianrail.gov.in क भेट दिवची वा एनटीईएस ऍप डावनलोड कररचो वा हे सेवेचो लाव घेवचो अशें रेल्वे प्रशासना कडल्यान सांगलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
