भांगरभूंय | प्रतिनिधी
न्यू यॉर्क, खबरां संस्था: सोमारा सकाळीं ११ वरांचेर मॅक्सिकोंत काळोख जालो. हाचे वांगडाच वर्साचें पयलें खग्रास सुर्य गिराण जालें. मेक्सिको वांगडाच ताचो प्रभाव अमेरिकेंत आनी कॅनडांतूय दिसलो. गिराणाच्या मार्गांत येवपी राज्यांनी दिसांतल्यान सुमार ४ मिनटां आनी २८ सेकंद काळोख जालो.
तेन्नाच ५४ देशांनी खंडग्रास सूर्य गिराण जालें. सोमारा जाल्ल्या सूर्य गिराणाचो कसलोच प्रभाव भारतांत दिसूंकना. कारण, जेन्ना गिराण सुरू जाल्लें तेन्ना हांगा रात जाल्ली. अमेरिकन स्पेस एजन्सी नासान सांगलें, आतां अशें सूर्यगिराण अमेरिकेंत फुडलीं २१ वर्सां (२०४५) दिसचें ना.
२०१७ उपरांत उत्तर अमेरिकेंत पुराय सूर्य गिराण दिसपाची ही पयलीच वेळ. नासाच्या म्हणण्या प्रमाण, पुराय सूर्यगिराणाचो काळ १० सेकंद ते साडेसात मिनटां मेरेन आसपाक शकता. २०१७ त हो काळ २ मिनटां ४२ सेकंद आशिल्लो. सोमारा पुराय सर्य गिराण ४ मिनटां २८ सेकंद उरलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
