भांगरभूंय | प्रतिनिधी
भांगरभूंय पत्रक
पणजीः व्ही एम साळगांवकार यादस्तीक अभिरूप न्यायालय सर्तींत अंदू देशांतल्या 14 म्हाविद्यालयांचे पंगड वांटेकार जाल्यात. हे सर्तीचें उक्तावण फाटल्या शुक्राराक जालें. व्हर्च्युअल मोडान ही सर्त जातली.
उक्तावण कार्यावळीक गोंयचे पुलीस म्हासंचालक जशपाल सिंग मुखेल सोयरे म्हणून हाजीर आशिल्ले. सुरवेक व्ही एम साळगांवकार कायदो म्हाविद्यालयाचे प्रभारी प्राचार्च डॉ शबीर अलीन सगल्यांक येवकार दिलो. विद्यार्थी समन्वयक अनंत नेगी हांणी सर्तीची आनी पुरस्कारांची पुराय म्हायती दिली.
वकील हे सामाजीक बदलाचे एजंट आसतात. हे बदल घडोवन हाडपा खतीर तरणाट्या वकिलांनी सध्याच्या काळाचेर चिंतन करपाक जाय आनी उपास सोदपाक जाय. तांणी प्ली बार्गेनिंगचे तत्व वापरपाक जाय. ताका लागून केशी उण्यो जावन न्यायालयां वयलो ताण उणो जावपाक मजत जातली अशें जशपाल सिंग हांणी सांगले. प्ली बार्गेनिंगाक लागून दोशी मनीस आपलो दोश मानून घेतलो आनी ताका लागून वेळाची बचज जावून न्याय मेळिल्ल्याचें समाधान जातलें अशेंय सिंग हांणी सांगलें.
सर्तीचें समन्वयक डॉ मृन्णमयी वैद्य डॉ मृन्णमयी वैद्य हिणे कार्यावळीच्या निमाणे उपकार मानले. दिव्या कामत आनी इशान केंक्रे हांणी सूत्रसंचालन केलें. ह्या उपरांत जाल्ल्या ओरिएन्टेशन सत्रांत डॉ आमोद शिराली हांणी सर्तीच्या मार्गदर्शक तत्वांची म्हायती दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
