भांगरभूंय | प्रतिनिधी
भांगरभूंय । प्रतिनिधी
सांगेंः श्री साईनाथ देवस्थान समिती वतीन बांदिल्ल्या कामराळ- कुडचडें हांगच्या साई देवळांत 13 तें 17 एप्रील मजगतीं शिखर कलश स्थापणूक आनी मूर्ती प्रतिश्ठापना सुवाळो जातलो. 13 आनी 14 एप्रिलाक पुराय दीस धर्मीक विधी जातलें. सोमार 15 एप्रिलाक भृगू पिठाधीस्वर गोस्वामी सुशीलजी महराज हांचे हस्तुकी शिखल कलश स्थापणूक जातली. दनपारां म्हाप्रसाद आनी सांजे 4.30 वरांचेर साई भक्तांचो भोवमान कार्यावळ जातली. मुखेल सोयरे म्हणून शिर्डीचे गोपिनाथ (अण्णा) बयाजी कोते पाटील .तशेंच कुडचड्याचो आमदार नीलेश काब्राल हाजीर रावतले उपरांत सांजे 6.30 वरांचेर स्वर साई ही शुभम नायक हाची भक्ती संगिताची कार्यावळ जातली
मंगळार 16 एप्रिलाक सकाळीं 10 वरांचेर भौशीक सत्यनारायण म्हापूजा जातली. सांजे 6.30 वरांचेर शिव क्रियेशन-सत्तरी वतीन स्वरानंद ही भक्तिगीत, भावगीत आनी नाट्यगितांची कार्यावळ जातली. बुधवार 17 एप्रिलाक रामनवमी निमतात सकाळी साईबाबांक अभिशेक, दनपारां 1 वरांचेर म्हाप्रसाद आनी 3 वरांचेर साई पालखी मिरवणूक राखणदेव देवूळ, सिद्धारुढ मढ, दाबामळ, बाजार आनी साई देवूळ अशी काडटले. आरती आनी पावणेन सुवाळ्याचो समारोप जातलो. सुवाळ्याक भाविकांनी हाजीर रावचें अशें देवस्थान समितीन मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
