भांगरभूंय | प्रतिनिधी
भांगरभूंय । प्रतिनिधी
केरी-सत्तरीः उत्तर गोंय जिल्हो पंचायती वतीन केरी जिल्हो पंचायत मतदारसंघांतल्या कांय शाळांक वॉटर प्युरिफाय आनी सॅनिटरी नॅपकीन वेन्डिंग मशिनां भेटयली. केरीची जिल्हो पंचायत वांगडी देवयानी गांवस हिणे जिल्हो पंचायत निधींतल्यान ही उपकरणा शाळांक वितरीत केली.
केरीचें सरकारी माध्यमीक विद्यालय, दाबें सरकारी माध्यमीक विद्यालय, शिरोली, घोटेली-2, माऊस हांगची सरकारी प्राथमीक शाळा आनी कौपार्डेच्या ब्राह्मणी महामाया देवस्थानाक वॉटर प्युरिफायर दिले. देवयानी गांवस हिणे सगळे कडेन वचून हीं उपकरणा भेटयलीं. केरी हांगा जाल्ले कार्यावळीक
केरीची सरपंच दीक्षा गांवस, पंच वांगडी उस्मान सय्यद, राजेश गांवस, श्रीपाद गांवस हाजीर आशिल्ले.
सरकारी माध्यमीक विद्यालयांत शिकपी विद्यार्थीनींच्या भलायकेचो विचार करून तांका आमी सॅनटरी नॅपकीन व्हेंडीग मशिनाचें वांटप केला. विद्यार्थ्यांक पियेवपाक नितळ उदक मेळचें हें खातीर वॉटर प्युरिफाय दिल्यात. फुडल्या टप्प्यांत हेर शाळांक ही उपकरणा दितले अशें देवयानी गांवस हिणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
