भांगरभूंय | प्रतिनिधी
मडगांव, प्रतिनिधी ः कुडटरी भलायकी केंद्रांत उपचारा खातीर दाखल जाल्ल्या मिंगुल परेरा ह्या दुयेंतीन भलायकी केंद्राच्या शौचालयांत गोळ घेतलो. कुडटरी पुलिसांनी हें प्रकरण असैमीक मरण म्हणून नोंद केलां.
मेळिल्ले म्हायती प्रमाण, मिंगुल परेरा (59, रा. खोर्जे, कुडटरी) 5 एप्रील सावन उपचारा खातीर दाखल आशिल्लो. सोमारा सकाळीं ताणें सकाळीं पांच वरांच्या सुमाराक शौचालयांत गोळ घेतलो. मायणा कुडटरी पुलिसांक हे विशीं म्हायती मेळ्ळे उपरांत तांणी घडणूक सुवातेर वचून पंचनामो केलो. उपरांत कुड पोस्टमार्टमा खातीर दक्षीण गोंय जिल्हो हॉस्पिटलांत धाडली. पोस्टमार्टम अहवालांत स्वास घुस्मटिल्ल्यान मरण आयिल्ल्याचें दिसून आयलां. पुलीस निरिक्षक अरुण गावस देसाय हांच्या मार्गदर्शना खाला उपनिरिक्षक प्रफुल्ल गिरी फुडली चवकशी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
