भांगरभूंय | प्रतिनिधी
केपें, बातमीदार: केपेंच्या पर्येंमळ वाठारांत पारंपरीक भोंवडे वेळार रानदुकराचेर मारिल्लो फार लागून खुशाली वेळीप (५३) हाका मरण आयलें. ७ एप्रिलाक ही घडणूक घडली. खुशाली वेळीप हे पणजी दूरदर्शनाचेर कामाक आशिल्ले, अशी म्हायती पुलिसांनी दिल्या.
हे विशीं चड म्हायती प्रमाण, देवाचे ‘भोंवडे’क गेल्ल्या वेळार मुखार रानदुकर दिसलो म्हणून खुशाली वेळीप ताचे फाटल्यान धांवलो. हे भोंवडेक आशिल्ल्या लोकांक आवाजा वयल्यान मुखार रानदुकर धांवता अशें दिसलें आनी तांणी फार मारलो. हातूंत खुशाली जखमी जालो. ताका रोखडोच मडगांवच्या जिल्हो हॉस्पिटलांत दाखल केलो. थंय ताका मरण आयिल्ल्याचें सांगलें.
काणकोणच्या पुलिसांनी हे सुवातेर वचून पंचनामो केलो. काणकोणचे पुलीस निरीक्षक हरिश देसाय हे विशीं फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
