भांगरभूंय | प्रतिनिधी
मडगांव, प्रतिनिधी : फातोड्डेंचो स्विमींग पूल परत सुरू जाला. कोवीड म्हामारी उपरांत स्विमींगपूल परत सुरू जाल्ल्यान वर्ग सुरु केल्यात. हे खातीर सोमारा फांतोडेर सावन स्विमींगपुलाच्या वाठारांत नागरिकांनी प्रवेश मेळोवपा खातीर गर्दी केल्ली. मात कांय वेळांत जागे भरिल्ल्यान बर्याच जाणांक रिकाम्या हातांत वच्चें पडलें.
फांतोड्डेंचो स्विमींगपूल कोवीड म्हामारी उपरांत परत एकदां सुरू केला. तीन वर्सांनी दुरुस्तीच्या कामा उपरांत तो सुरू केला. स्विमींग पुलांत प्रशिक्षण वर्ग गोंय खेळां प्राधिकरणा वतीन घेतात. हे खातीर प्रवेश दिवपाची प्रक्रिया सुरू केल्या. सोमारा प्रवेश अर्ज दिवपाचे आशिल्ल्याचें कळटांच नागरिकांनी फांतोडेर साडेचार वरां सावन स्विमींगपूल कार्यालयांत गर्दी केल्ली. गोंय खेळां प्राधिकरणा वतीन भुरग्यां खातीर आनी व्हडल्यां खातीर अशे चार बॅच दर म्हयन्या खातीर आसतले. एप्रीलांत बॅचाचो प्रवेश फुल्ल जाल्ल्यान मे म्हयन्यांतल्या बॅचां खातीर प्रवेश दिवपाची प्रक्रिया सुरू आसा.
अधिकार्यांनी दिल्ले म्हायती प्रमाण, आतां तीन वर्सां उपरांत प्रशिक्षण वर्ग घेवपाक सुरवात केल्या. भुरग्यांच्या शाळांक सुटी पडिल्ल्या बरो प्रतिसाद मेळटा. १२ एप्रील सावन सुरू जावपी बॅच भरिल्ल्यान आतां मे म्हयन्यांतल्या बॅच खातीर प्रवेश दितात अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
