भांगरभूंय | प्रतिनिधी
मडगांव, प्रतिनिधी : भाजपाची दक्षीण गोंय उमेदवार पल्लवी धेंपो काँग्रेसीचे उमेदवार कॅप्टन विरियातो फर्नांडीस हांच्या खंयच्या वक्तव्याचो उल्लेख करतात? तांणी खरेंच लिंगभेदा विशीं टिप्पणी केल्या? तुमी तुमच्या आरोपांक पुश्टी दिवपी तांचो ऑडिओ वा व्हिडिओ पोस्ट करपाक शकता? असो प्रस्न कॉंग्रेसीचे सोशल मीडिया समन्वयक शमिला सिद्दीकी हांणी पल्लवी धेंपोक केला.
भाजपाची उमेदवार धेंपो हांच्या पोस्टाचेर प्रतिक्रिया उक्तायतना, सिद्दीकी हांणी पल्लवी धेंपो हांकां ‘व्हिक्टीम कार्ड’ खेळून सहानुभूती मेळोवपाचो यत्न करचो न्हय असो उलो मारलो.
कॅप्टन विरियातो हांणी भाजप सरकाराच्या काळांत वाडपी म्हारगाय आनी बेरोजगारीचेर प्रस्न उक्तायला. तांकां धेंपो हांणी जाप दिवपाची गरज आसा. जेंडर बायस म्हणून मुखेल मुद्यावयल्यान लक्ष दुसरे कडेन वळोवपाक शकना, अशें सिद्दीकी हांणी म्हणलें.
धेंपो हांणी सकारात्मक प्रचार करचो, अशी मागणी सिद्दीकी हांणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
