गोंयच्या न्यायाधिशांच्यो बदल्यो: मुंबय उच्च न्यायालयाचे आदेश
भांगरभूंय | प्रतिनिधी
पणजी, प्रतिनिधी: मुंबय उच्च न्यायालयान गोंयच्या न्यायाधीशांच्या वर्सुकी बदलीचो आदेश जारी केला. हातूंत प्रधान जिल्हो सत्र न्यायाधीश ईर्शाद आगा हांची उत्तर गोंयच्या प्रधान सत्र न्यायाधीशपदार जाल्यार न्या. शेरीन पॉल हांची दक्षीण गोंय प्रधान जिल्हो सत्र न्यायाधीशपदार बदली केल्या.
तशेंच राज्यांतल्या हेर स न्यायाधीशांच्या बदली बाबतींचो आदेश जारी केला. हे विशींचे आदेश मुंबय उच्च न्यायालयाचे मुखेल न्यायमूर्ती देवेंद्र कुमार उपाध्याय हांचे वतीन महानिबंधक आर. एन. जोशी हांणी जारी केल्या.
जारी केल्ल्या आदेशा प्रमाण, प्रधान जिल्हो सत्र न्यायाधीश ईर्शाद आगा हांची उत्तर गोंयचे प्रधान सत्र न्यायाधीशपदार, जाल्यार न्या. शेरीन पॉल हांची दक्षीण गोंय प्रधान जिल्हो सत्र न्यायाधीशपदार बदली केली. तशेंच जिल्हो न्यायाधीश सायोनारा लाड हांची बाल न्यायालयाच्या अध्यक्षपदार जाल्यार न्या. विजया आंब्रे हांची गोंय राज्य विधी सेवा प्राधिकरणाचे वांगडी सचीव पदाचेरूच नियुक्ती केली. न्या. सई प्रभुदेसाय हांची दक्षीण गोंय जिल्ह्यांत बदली केल्या. तशेंच वरिष्ठ श्रेणी दिवाणी न्यायाधीश शिल्पा पंडीत, न्या. सारिका फळदेसाय आनी न्या. कार्लो सांतान डिसिल्वा हांकां आदले सुवातेर नियुक्ती केली. कनिश्ठ श्रेणी दिवाणी न्यायाधीश निलिमा काणकोणकार हांकां म्हापशें पयलो वर्ग न्यायालयाच्या न्यायाधीशपदार एका वर्साची वाड दिल्या. न्या. अक्षता काळे हांची सत्तरी वाळपय पयलें वर्ग न्यायालयाच्या न्यायाधीशपदार जाल्यार न्या. वासिम रिझवी हांची दिवचल पयलें वर्ग न्यायालयाच्या न्यायाधीशपदार बदली केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
