भांगरभूंय | प्रतिनिधी
भांगरभूंय । प्रतिनिधी
दिवचलः साखळी मतदारसंघांतल्या फाळवाडो- कुडणे हांगच्या सरकारी प्राथमीक शाळेक गोयचे आदले मुख्यमंत्री सर्गेस्त मनोहर पर्रीकार हांचें नांव दिला. हे संबंदीची घोशणा शिक्षण खात्यान बिरेस्तारा केली.
हे शाळेक सर्गेस्त मनोहर पर्रीकार हांचें नांव दिवपाची मागणी करपी थाराव कुडणे पंचायत मंडळान स म्हयन्यां आदीं घेतिल्लो. ताची पत्र तांणी मुख्यमंत्री आनी साखळेचे आमदार डॉ प्रमोद सावंत हांका सादर केल्ली. ताची दखल घेवंन शिक्षण खात्यान हे शाळेक पर्रीकार हांचें नांव दिवपाचे सोपस्कार पुराय केले.
शाळेक पर्रीकार हाचें नांव दिवपाच्या पंच मंडळाच्या थारावाक शाळा वेवस्थापन आनी शिक्षक- पालक संघान तशेंच ग्रामस्थानी तेंक दिल्लो. मुख्यमंत्री डॉ सावंत हाणी सहकार्य केल्ल्यान शाळेक पर्रीकार हांचें नांव मेळपाक शकलें, गांवां खातीर आनी शाळे खातीर ही अभिमानाची गजाल आसा अशें कुडणेचे सरपंच राजन फाळकार हाणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
