भांगरभूंय | प्रतिनिधी
पणजी, प्रतिनिधी : राज्य वेंचणूक आयोगान २८ एप्रिलाक ताळगांव पंचायतीची वेंचणूक घेवपाची घोशणा केली. ही वेंचणूक बॅलोट पेपराचेर जातली. तशेंच वेंचणूक पक्षीय पांवड्यार जावची ना, अशेंय स्पश्ट केलें.
११ प्रभांगाची पंचायत
ताळगांव पंचायत ११ प्रभागांची. हातूंतले ५ प्रभाग सामान्य वर्गा खातीर उक्ते दवरल्यात. जाल्यार प्रभाग १ ओबीसीं खातीर, प्रभाग ५ अनुसूचीत जमातीं खातीर (एसटी) जाल्यार ३, ४, ६ आनी ९ बायलां खातीर राखून दवरल्यात. उमेदवाराक चडांत चड ४० हजार रुपयां मेरेन खर्चाची मर्यादा निश्चीत केल्या.
ताळगांव पंचायत वेचणूक
प्रभाग : ११
बूथ : २६
मतदार : १९३४९
बायलां मतदार : १०१४३
दादले मतदार : ९२०६
वेंचणुकेचें वेळापत्रक
वेंचणुके खातीर उत्तर गोंय जिल्होधिकार्यांक जिल्हो वेंचणूक अधिकारी म्हणून नियुक्त केलां. जाल्यार तिसवाडीच्या मामलेदारांक वेंचणूक अधिकारी म्हणून नियुक्त केल्या. तांकां सहाय्यक वेंचणूक अधिकारी म्हणून मामलेदार कार्यालयाचे कारकून मजत करतले. तिसवाडीचे उपजिल्हाधिकारी भगवंत करमळी हे मुखेल निरीक्षक म्हणून काम पळयतले. जाल्यार सुर्यकांत नायक खर्चाचेर नदर दवरतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
