भांगरभूंय | प्रतिनिधी
पुणे, खबरां संस्था: केंद्र सरकारान संयुक्त अरब अमिरातीक १० हजार टन कांदो निर्गत करपाची परवानगी दिल्या. परराश्ट्र वेपार खात्यान जारी केल्ले अधिसुचोवणे प्रमाण ही निर्गत नॅशनल कोऑपरेटिव्ह एक्सपोर्ट्स लिमिटेड (एनसीईएल) वरवीं जातली. दोनूय देशां मदले इश्टागतीचे संबंद राखून दवरपा खातीर आनी संयुक्त अरब अमीरात सरकारान केल्ले मागणे प्रमाण दशलक्ष टन कांदो निर्गत करतले. निर्गतींत गोंदळ आनी अनियमितताय टाळपा खातीर केंद्र सरकारा खाला आशिल्ले एनसीईएल हे संस्थे वरवीं हें करतले.
मजगतीं, कांद्याच्या निर्यात शुल्कांत केल्ली वाड, उपरांत चार म्हयन्यां आदीं कांदो निर्यातीचेर आयिल्ले बंदीक लागून जेएनपीए बंदरांतल्यान म्हयन्याक सुमार चार हजार कंटेनर कार्गोंतल्यान जावपी एक लाख टन कांद्याची निर्गत बंद जाल्या. केंद्राचे हे निर्गत बंदीचो फटको हजारांनी शेतकारांकूच न्हय तर शेकड्यांनी उत्पादक, निर्यातदार, वाहतूकदार आनी संबंदीत कांदो निर्यातीच्या रोजगाराचेर निंबून आशिल्ल्या लाखांनी कामगारांक बसला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
