भांगरभूंय | प्रतिनिधी
हैदराबाद, खबरां संस्था : केंद्रीय रानजीव मंडळान आंधप्रदेशांतल्या नागार्जुनसागर श्रीशैलम व्याघ्रप्रकल्प आनी श्री व्यंकटेश्वर राष्ट्रीय उद्यान हांकां जोडपी वाघांच्या कॉरिडॉरांतल्यान ४० हेक्टरां परस चड रान जमीन वापरपाचो प्रस्ताव दिला.
फेब्रुवारींत केंद्रीय वन्यजीव मंडळाची बसका जाली. मार्च निमाणे कडेन हे बसकेचें इतिवृत्त मुखार आयलें. ते प्रमाण भारतमाला प्रकल्पाच्या दुसर्या टप्प्याचो एक भाग म्हणून ही शिफारस केल्या. नागार्जुनसागर श्रीशैलम व्याघ्रप्रकल्प हो देशांतलो सगळ्यांत व्हडलो व्याघ्रप्रकल्प. हो प्रकल्प तीन हजार २९६.३१ चौरस किलोमीटरांत पातळ्ळा. हो व्याघ्रप्रकल्प तेलंगणांतल्या अमराबाद व्याघ्रप्रकल्पाक तेंकून आसा. तशेंच पुर्व घांटांत वागांचो सगळ्यांत चड आंकडो (७२) हांगा आसा. हांगाच्यान वचपी रस्तो सुमार पांच किलोमिटरचो आसा. ह्या रस्त्याचो वाघांच्या हालचालींचेर, तांच्या भ्रमणमार्गार परिणाम जावचो न्हय म्हणून हांगा तीन भुंयारी मार्ग, चार ल्हान पूल, सात मार्गिका आनी दोन पुलांचें बांदकाम प्रस्तावीत आसा. तशेंच दोनूय वटेन सुमार तीन किलोमीटर लांबायेचे पांयवाटेचें नियोजन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
