भांगरभूंय | प्रतिनिधी
दिवचलः केंद्रीय मंत्री श्रीपाद नायक हांणी बुधवारा दिवचल मतदारसंघात वचून श्रीशांतादुर्गा देवीचो आशिर्वाद घेवन प्रचाराक सुरवात केली. आमदार डॉ. चंद्रकांत शेट्ये, आदले सभापती राजेश पाटणेकार, नगराध्यक्ष कुंदन फळारी, मंडळ अध्यक्ष विस्वास गांवकार, वल्लभ साळकार, देवस्थानाचे पदाधिकारी, नगरसेवक, सरपंच, पंच आनी कार्यकर्तें प्रचारा वेळार हाजीर आशिल्ले.
भाजपाचे डबल इंजीन सरकार देशांत तशेंच राज्यांनी क्रांती करतात. स वर्सां जाली देश संवसारीक पांवड्यार पावला. परतून एक फावटी नरेंद्र मोदी हांकां प्रधानमंत्री म्हूण वेंचून हाडपाक गोंयच्या दोनूय मतदारसंघांनी वचून भाजपाच्या कामां विशीं जागृताय करतलों. तशेंच गोंयचे जनतेन भाजपाक वेंचून हाडपाक भरगोस मतां दिवची अशें आवाहन उत्तर गोंयचे लोकसभा उमेदवार श्रीपाद नायक हांणी केलें.
फाटलीं पांच वर्सां केंद्रीय मंत्री श्रीपाद नायक हांणी गोंयांत विविध येवजण्यो राबयल्यात. परत एक फावटी नरेंद्र मोदी मोदी प्रधानमंत्री जावपाक सज्ज आसून, दिवचल मतदारसंघातल्यान व्हड प्रमाणांत योगदान दिवचें अशें आवाहन आमदार डॉ. चंद्रकांत शेट्ये हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
