भांगरभूंय | प्रतिनिधी
श्रीलंकेन दिल्ले 511 धांवड्यांचे मोखीचो फाटलाव करपी येजमान बांगलादेशान दुसरे टॅस्टीच्या चवथ्या दिसा आपल्या दुसऱ्या डावांत 7 विकेटी वगडावन 268 धांवड्यो केल्यात. आयज निमाण्या दिसा ताका जैता खातीर आनीक 243 धांवड्यांची गरज आसा आनी ताच्यो तीन विकेटी हातांत आसा. ताका लागून हारीचें सांवट बांगलादेशाच्या पंगडाचेर आसा.
दोन टॅस्टींचे माळेंत श्रीलंका 1-0 असो मुखार आसा आनी दुसरी मॅचूय जिखून क्लीन स्वीप करपाचो ताचो यत्न आसतलो.
फास्ट बॉलर लाहिरू कुमारा, स्पिनर प्रबाथ जयसुर्या आनी पार्ट टायम कामिंदु मॅण्डिस हाणें दरेकी दोन विकेटी घेवन आपल्या पंगडाक जैताच्या हुमऱ्याच पावयलो.
चवथ्या दिसाचो खेळ सोंपलो त्या वेळार मेहदी हसन 49 बॉलांनी 44 आनी ताइजूल इस्लाम 10 धांवड्यो करून खेळपट्टीचेर आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.