भांगरभूंय | प्रतिनिधी
नवी दिल्ली, खबरां संस्था ः सरकारान मार्च म्हयन्यांत वस्तू आनी सेवा करांतल्यान (जीएसटी) 1.78 लाख कोटी रुपया एकठांय केले. 2023-2024 अर्थीक वर्सातली ही दुसरे खेपेची गजाल. एप्रिल 2023 वर्सा 1.87 लाख कोटी रुपया एकठांय जाल्ले. तेच बरोबर अर्थीक वर्साच्या (2022-23) मार्चांतल्या वसुली परस 11.5% चड आसा. ते उपरांत जीएसटींतल्यान 1.60 लाख कोटी रुपया एकठांय जाले.
० जीएसटी वसुली 2024 वर्सा 11.7 टक्क्यांनी वाडून 20.14 लाख कोटी रुपया जाली.
० दर म्हयन्याक सरासरी वसुली वाडून 1.68 लाख कोटी रुपया जाली.
० फाटल्या अर्थीक वर्सा (2022-23) 1.5 लाख कोटी रुपया आशिल्ले.
सीजीएसटी 31,785 कोटी, एसजीएसटी 39,615 कोटी
अर्थ मंत्रालयाच्या म्हणण्या प्रमाण मार्चांत ₹1,78,484 कोटी जीएसटी वसुलींतल्यान सीजीएसटी 34,532 कोटी रुपया आनी एसजीएसटी 43,746 कोटी रुपया आशिल्ली. जीएसटी 87,947 कोटी रुपया आनी उपकर 12,259 कोटी रुपया आशिल्लो. ह्या उपकरांत वस्तूंच्या आयातीतल्यान मेळिल्ले 996 कोटी रुपयाचो आस्पाव आसा. 2017 वर्सा जीएसटी लागू केल्ली.
जीएसटी हो अप्रत्यक्ष कर. 2017 वर्सा आदलें वेगवेगळे अप्रत्यक्ष कर (VAT), सेवा कर, खरेदी कर, उत्पादन शुल्क आनी हेर जायते अप्रत्यक्ष कर बदलपा खातीर अंमलबजावणी केल्ली. जीएसटीचे 5, 12, 18 आनी 28% अशें चार स्लॅब आसात.
| अर्थिक वर्स 2023-24 | वसूली |
| एप्रिल 2023 | 1.87 लाख कोटी |
| मे 2023 | 1.57 लाख कोटी |
| जून 2023 | 1.61 लाख कोटी |
| जुलय 2023 | 1.65 लाख कोटी |
| ऑगस्ट 2023 | 1.59 लाख कोटी |
| सप्टेंबर 2023 | 1.63 लाख कोटी |
| ऑक्टोबर 2023 | 1.72 लाख कोटी |
| नोव्हेंबर 2023 | 1.68 लाख कोटी |
| डिसेंबर 2023 | 1.65 लाख कोटी |
| जानेवारी 2024 | 1.74 लाख कोटी |
| फेब्रुवारी 2024 | 1.68 लाख कोटी |
| मार्च 2024 | 1.78 लाख कोटी |
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
