भांगरभूंय | प्रतिनिधी
एप्रीला सावन म्हळ्यार आयच्यान नव्या अर्थीक वर्साची सुरवात जाता. हें वैयक्तीक वित्ताचे नदरेन सदांच म्हत्वाचें. कारण आयकरा विशींचे चडशे बजेट प्रस्ताव ह्या दिसा सावन लागू जातात. १ एप्रील सावन खुबशे कर नेम बदलतात. नवी कर प्रणाली आतां डिफॉल्ट जातली.
कर स्लॅबाची निवड गरजेची
जर तुमी आतां मेरेन आदले कर प्रणाली प्रमाण इन्कम टॅक्स रिटर्न भरतात, जाल्यार हें जाणून घेवप गरजेचें: १ एप्रील २०२४ सावन देशांत नवी कर प्रणाली लागू जाल्या. हाचो अर्थ तुमकां दर वर्सा तुमच्या कर स्लॅबाची निवड करची पडटली. जर तांणी अशें करूंक ना जाल्यार तो आपोआप नवे कर प्रणाली कडेन वळटलो. नवे प्रणालींत खुबश्यो सुदारणा जाल्यात. चड करदात्यांक हाची निवड करपाक उर्बा दिवप हो ताचे फाटलो हेत. हातूंत ७ लाखां परस चड रुपयां मेरेनचें उत्पन्न करमुक्त आसा.
जर तुमी नोकरी करतात आनी २०२४-२५ त नवे कर प्रणालीची निवड केली, जाल्यार तुमी ५०,००० रुपयांच्या रुपया प्रमाणीत कपातीचो लाव घेवंक शकतात. वांगडा तुमचे ७.५० लाख रुपयां मेरेनचें उत्पन्न करमुक्त आसतलें. ५० हजार रुपयांची ही सुट पयलीं फकत पोरन्या कर स्लॅबांत मेळटाली.
नव्या स्लॅब खाला कर दर
वर्सुकी उत्पन्न दर
० ते ३ लाख रुपया ०%
३ ते ६ लाख रुपया ५%
६ ते ९ लाख रुपया १०%
रु ९ ते १२ लाख १५%
रु १२ ते १५ लाख २०%
१५ लाखां परस चड ३०%
मूळ सूट मर्यादा ३ लाख रुपया
नवी कर प्रणाली खाला, मूळ सूट मर्यादा २.५ लाख रुपयां वयल्यान ३ लाख रुपया केल्या तशेंच, आयकर कायदो, १९६१ च्या कलम ८७A खाला सूट ५ लाख रुपयां वयल्यान ७ लाख रुपया केल्या. हाचो अर्थ, नव्या नेमांनी ७ लाख रुपयां मेरेन करपात्र उत्पन्न आशिल्ल्या व्यक्तींक कर भरचो पडचो ना. कारण तें पुराय कर सवलती खातीर पात्र आसा.
रोख रक्कम सोडात
तुमी गैर-सरकारी कर्मचारी आसल्यार, तुमी रु. ३ लाखांच्या जाग्यार २५ लाखां मेरेन कर सूट मेयोवपाक शकता. हे खातीर आयकर कायद्याच्या कलम १०(१०AA) त तरतूद केल्या.
जीवन विमा
जर तुमची विमा पॉलिसी १ एप्रील २०२३ उपरांत जारी केल्या आनी तुमचो वट्ट प्रीमियम ५ लाख रुपयां परस चड आसा जाल्यार मॅच्युरिटीचेर तुमकां स्लॅबा प्रमाण कर भरचो पडटलो.
अधिभार
तुमची वर्सुकी येणावळ ५ कोटी रुपयां परस चड आसल्यार आतां ३७ टक्क्यां बदला फकत २५ टक्के अधिभार भरचो पडटलो.
हेर म्हत्वाच्यो गजाली
वैयक्तीक करदाते आपल्या उत्पन्नाचेर आदारून दर वर्सा पोरणी आनी नवी कर पद्दत निवडूंक शकतात. वेवसायीक वा वेवसायीक कंपनींक फकत एक फावट स्लॅब निवडपाक वेंचूंक मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
