भांगरभूंय | प्रतिनिधी
आमी आमचे कुडीचेर लक्ष दिवंक ना जाल्यार जायत्यो शारिरीक समस्या निर्माण जातात. अशे स्थितींत आंग भितरल्यान दुबळें जाता. चड करून दादले ऑफिसाच्या कामांत इतले व्यस्त आसतात की ते आहाराचेर फावो तें लक्ष दिनात. ताका लागून जायतीं दुयेंसां वेंग मारतात. कूड दुबळी जावपा जायतीं कारणां आसतात. कुपोशण, चड काम, चिंता आनी वायट आहार हाका लागून भलायकेचे जायते त्रास जाणवतात. दादल्यांक सदचीं कामां करपाक कठीण जाता. मात, कुडींत कांय सकारात्मक बदल आनी आयुर्वेदीक उपाय केल्यार बरो फरक दिसूंक शकता. दादल्यांक आपली कूड चड करून भितरल्यान सुकता हें लेगीत कळना अशा प्रकरणांत आयुर्वेदीक उपाय वापरचे.
आहाराची जतनाय घेवची
थकपी कूड सुटसुटीत करपाक दादल्यांनी आहाराची खाशेली जतनाय घेवची. निरोगी आहार घेतल्यार थकपी कूड घटमूट जातली. दादल्यांनी निरोगी उरपाक कॅल्शियम आनी प्रोटीन भरपूर आशिल्लें जेवण जेवचें. कॅल्शियम खातीर दूद, धंय आनी दाळ, कणंगां आनी प्रोटीन्सा खातीर पुराय कड्डणां हांचो जेवणांत आस्पाव करचो.
योग आनी प्राणायाम करात
जायते फावटीं दादले शारिरीक क्रियाकलापांचेर उणें लक्ष दितात, अशें तरेन स्नायू, सांधे दुखप आनी कूड थकपाची समस्या वाडटा. अशे स्थितींत दादल्यांनी चलपा वांगडाच नेमान योगासन आनी प्राणायाम करचें. अशें केल्यार मनशाक शारिरीक नदरेन घटमूट आनी ताण मुक्त रावपाक मदत जाता.
अश्वगंधा पिठो
अश्वगंधा कुडीक खूब फायद्याचें. अश्वगंधा हातूंत कार्बोहायड्रेट, लोखण, कॅल्शियम आनी व्हिटॅमिन सी हांचो आस्पाव आसता. तें खाल्यार कूड घटमूट आनी ताण मुक्त जाता. अश्वगंधा पिठो दुदा वांगडा पियेवचो.
शिलाजीत खावप
शिलाजीतांत लोखण, आनी कॅल्शीयम आसता. तें खाल्यार कुडींत रगताचो प्रवाह सुदारता आनी थकिल्ली कूड सुटसुटीत जाता. शिलाजीत पावडर दुदांत घालून पियेवचें. तशेंच तें खाल्यार न्हिदेची समस्याय सोंपता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
