भांगरभूंय | प्रतिनिधी
आग्रा, खबरां संस्था : व्हाॅट्सॲप, फेसबूक अशा सोशल मिडियान सगळ्यांची जीण आपल्या ताब्यांत केल्या. हाचो उपेग कांय जाण बर्या खातीर जाल्यार कांय जाणां वायटा खातीरुय करतात. अशीच एक अजाप करपा सारकी गजाल मुखार आयली. एके बायलेन आपल्या घोवाक मारून उडोवपाची सुपारी ऑनलायन व्हॉट्सॲपा वरवीं दिली. व्हॉट्सॲपाच्या स्टेटसाचेर तिणें घोवाक मारप्याक ५० हजारांचें इनाम जाहीर केलां.
चड म्हायती प्रमाण, ही घडणूक मोगाचें प्रतिक ताजमहाल आशिल्ल्या आग्राची. हांगा एके बायलेन आपल्या घोवान मारून उडोवपा खातीर ५० हजारांची ऑनलायन सुपारी दिली. बायलेचो व्हॉट्सॲप स्टेटस पळोवन घोव भियेलो आनी तांणी पुलिशेंत कागाळ केली. हे कागाळींत तांणी, पुलिसांनी आपल्याक वेळार मजत करची, ना जाल्यार म्हज्या जिवाक धोको आशिल्ल्याचें म्हणलां. तशेंच बायलेच्या इश्टान धमकी दिल्ल्याचोय घोवान आरोप केला. हे विशीं पुलिसांनी ते बायले आड गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
