भांगरभूंय | प्रतिनिधी
नवी दिल्ली, खबरां संस्था ः भारतांत बेरोजगारा मदीं 83 टक्के तरणाटे आसात अशी धक्को दिवपी गजाल आंतरराष्ट्रीय कामगार संघटनेच्या (आयएलओ) अहवालांत उक्ती जाल्या.
तीन दिसां आदीं भारताचे मुखेल अर्थीक सल्लागार अनंत नागेश्वर हांणी नवी दिल्लींत ‘इंडिया एम्प्लॉयमेंट रिपोर्ट २०२४’ नांवाचो अहवाल जाहीर केलो. संयुक्त राश्ट्रांची आंतरराष्ट्रीय कामगार संघटना (आयएलओ) आनी इन्स्टिट्यूट ऑफ ह्युमन डेव्हलपमेंट (आयएचडी) हांणी संयुक्तपणान तयार केल्ल्या अहवालांत भारतांत बेकार तरणाट्यांचें प्रमाण सुमार 83 टक्के आसा अशें दिसून आयलें. अहवाला प्रमाण 2000 ते 2019 ह्या काळांत तरणाट्यांचें बेकारीचें प्रमाण वाडत गेले. ते उपरांत कोरोना म्हामारीच्या वर्सांनी तांतूत उणाव आयलो. पूण कामा वयल्यान काडून उडोवपाक लागून ह्या काळांत शिकिल्ल्या तरणाट्यां मदीं बेकारीची प्रमाण चड दिसून आयलें अशें अहवालांत म्हणलां. म्हळ्यार शारांत ल्हान व्हड पगाराचे काम करपी मजूर आपल्या मूळ गांवांत परतले. जाल्यार शारांतल्या लोकांक आपलो रोजगार, वेवसाय सोडून दिवचो पडलो. उण्यांत उणें माध्यमीक शिक्षण घेतिल्ले 35.2 टक्के शिकिल्ले तरणाटे 2000 वर्सा बेकार आशिल्ले जाल्यार 2022 वर्सा तांचें एकंदरीत बेकारीचें प्रमाण सुमार दुपेटीन वाडून 65.7 टक्के जालें.
हुस्क्याची गजाल म्हळ्यार 2022 वर्सा धावी, बारावी पास आनी पदवीधर बेकारीचें प्रमाण अशिक्षीत लोकांपरस अनुक्रमान स पटीन आनी णव पटींनी चड आशिल्ल्याचें दिसून आयलें. हाचो अर्थ ह्या काळांत रोजगारांत जी वाड जाल्ली तो कामाचो दर्जो ही चिंतेची गजाल आसा. खास करून पात्र आनी शिकिल्ल्या तरणाट्या उमेदवारांक नोकरीच्यो संदी ना मेळप हांतूत वाड जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
