भांगरभूंय | प्रतिनिधी
श्रीनगर, खबरां संस्था: जम्मू-काश्मीरांत आयज फांतोडेर जाल्ल्या एका भिरांकूळ अपघातांत १० जाणांक मरण आयलें. रामबन लागसार जम्मू- श्रीनगर राष्ट्रीय म्हामार्गाचेर एक कॅब खोल देंगणांत (दरी) पडली. ही कॅब प्रवाशांक घेवन जम्मू सावन श्रीनगर वतना हो अपघात जालो. हे घडणुकेची म्हायती मेळटाच मजत कार्य सुरू जालां.
थळाव्या प्रशासनाक हे घडणुकेची म्हायती मेळटांच पुलीस, राज्य आपत्ती प्रतिसाद दळ आनी नागरी जलद प्रतिसाद पंगड (क्युआरटी) रोखडेच थंय पावले. हो पंगड देंगणांत देंवलो आनी तांणी कामाक सुरवात केलो. मरण आयिल्ल्यांच्यो कुडीय भायर काडल्यो.
फांतोडेर रेस्न्यु ऑपरेशनाक सुरवात जाल्या. आतां मेरेन १० जाणांच्यो कुडी मेळ्ळ्यात. सेगीत पडपी पावसाक लागून कामांत आडमेळीं येतात. मरप्यांचो आंकडो वाडपाची भिरांत आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
