भांगरभूंय | प्रतिनिधी
भांगरभूंय । प्रतिनिधी
म्हापशेंः छत्रपती शिवाजी महाराजांचो इतिहास वाचून तांचें शिकवणे प्रमाण चल्ल्यार जीण ध्येयवादी जातली अशें म्हापशें पालिका मंडळाची नगराध्यक्ष डॉ नूतन बिचोलकार हिणे म्हापशें उत्कर्ष मंडळान हुतात्मा चौकांतल्या शिवरायांच्या पुतळ्या कडेन आयोजीत केल्ले शिवजयंती कार्यावळींत उलयतना सांगलें.
ह्या वेळार आदलो नगराध्यक्ष संदीप फळारी, सुधीर कांदोळकार, उत्कर्श मंडळाचो अध्यक्ष नारायण कारेकार, आदलो नगरसेवक नारायण राटवड, गुरुदास वायंगणकार, संजय मिशाळ, तुषार टोपले, मंडळाचे पदाधिकारी आनी शिवमोगी हाजीर आशिल्ले.
शिवाजी महाराजान 1661 वर्सा पेडणे, सत्तरी आनी दिवचल तालुक्यांत घुरी घातिल्ली. गोंयांक पोर्जुगेजाचें राजवटींतल्यान मुक्त करपाचें तांणी नियोजन केल्लें. त्या वेळार कांय जाणांनी फितुरी केल्ल्याम मेळयल्ले तालुके महाराजांक सोडून दिवचे पडले अशें मुखेल उलोवपी संदीप फळारीन सांगलें. 1668 वर्सा शिवाजी महाराजान नार्वें हांगच्या सप्तकोटेश्वर देवळाचो जिर्णोद्धराच्या निमतान गोंयांत येवंन पोर्तुगेजा आड लढो दिल्लो. बार्देश आनी साश्ट तालुक्यांचेर लेगीत घुरी घालपाचे तयारेंत ते आशिल्ले. महाराजांनी 1680 वर्सा संवसाराक अंतरले नाशिल्ले जाल्यार आमचें गोंय 300 वर्सां पयलींच पोर्तुगेजाचें राजवटींतल्यान मुक्त जाताशिल्लें अशें ताणे फुडें उलयतना सांगलें. उत्कर्श मंडळाचो अध्यक्ष नारायण कारेकार हाणे येवकार दिवंन प्रास्तावीक केले. सूत्रसंचालन करून उमाकांत घारगळकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
