भांगरभूंय | प्रतिनिधी
जीडीपींत 12 टक्के वाड करपा खातीर 19 कोटी घरकान्नींक पेड कामगार क्षेत्रांत हाडपाची तयारी
नवी दिल्ली, खबरां संस्था ः बायलांचे फुडारपणा खाला अर्थवेवस्था निर्माण करपा खातीर केंद्र सरकार रोडमॅप तयार करता. कामगार बळांतल्या बायलांचो भुमिके विशींच्या श्वेतपत्रका प्रमाण देशांतल्या 47 कोटी प्रौढ बायलां मदली 20% बायलां कामगार मळार आसात आनी 80% बायलां पगारा बरग जतनाय घेवपी म्हणून योगदान दितात. 80% (37 कोटी) मदल्या 50% बायलांक सरकार कामगार बळांत हाडपाचो यत्न करता, जाका लागून जीडीपी 12-14% वाडूंक शकता.
श्वेतपत्रिकाचो मसुदो तयार करपाक मुखेल भुमिका आशिल्ल्या फिक्की लेडीज ऑर्गनायझेशनाचे मुखेली सुधा शिवकुमार हांणी सांगलें, पगारा बगर जतनाय घेवपी बायलांचे सुवातेर कुशळ जतनाय घेवपी बायलांक हाडचे. हाका लागून कामगार मळार वेवसायीक बायलांचें योगदान वाडटलें. भारतांत अनपेड केअर वर्क वट्ट जीडीपीत 15% वांटो आसा. भारतांत जीडीपीचो 2% जतनाय अर्थवेवस्थेचेर खर्च केल्यार 1.10 कोटी रोजगार संदी निर्माण जातल्यो. हातूंतल्यो 70% नोकऱ्यो बायलांक मेळटल्यो.
श्वेतपत्रिका प्रमाण भारता सयत संवसारांतल्या 6 कोटी 60 लाख बायलां मदली तीन चतुर्थांश बायलां अनपेड केअर कामांत आसात. हाका लागून ते रोजगारा खातीर मेळूंक शकनात. भारतांत अशा बायलांचो आंकडो 37 कोटी आसा. संवसारीक पांवड्यार अनपेड केअर वर्काचो वट्ट जीडीपींत 9% वांटो आसा. भारतांत पेड-अनपेड मेळनाशिल्लीं बायल जतनाय घेवपी अर्थवेवस्थेंत 15% योगदान दितात.
नियोजन अशें: जतनाय क्षेत्राक चालना दिवप, कंपनींक अनुदान
० कार्यालयात बायलांक कामाक दिवपी कंपनींक अनुदान दिवपाचोय बरो परिणाम जाला. अनुदान कर संबंदीत फायदे आनी भुरग्यांच्या संगोपन फायद्याच्या रुपांत आसूं येता.
० भारताचे केअर सेक्टर व्हड प्रमाणात आंगनवाडी, नर्स मिडवाइफ हांचेर आदारून आसा. तांची संख्या सुमार 42 लाख आसा. ती 50 लाख करपाची गरज आसा.
० पेड पालकत्व सुटी दितले. हाका लागून भुरग्यांच्या उदरगती बगर जतनाय अर्थवेवस्थेक चालना मेळटली. बायलां वेवसायीक करिअराचेर लक्ष केंद्रीत करतलीं.
० केअर सेक्टराक चालना दिवपा खातीर भौशीक-खाजगी भागीदारींक प्रोत्साहन दिवचें, जाका लागून तातूंतल्यान मुळावी बांदावळ तयार करूं येता.
० भुरगीं आनी जाण्टे हांची जतनाय घेवपा खातीर उंचेल्या दर्जाच्यो सुविधा दिवच्यो. जीडीपींत ताचो १% ते ४% योगदान मेळूं येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
