भांगरभूंय | प्रतिनिधी
भांगरभूंय । प्रतिनिधी
म्हापशेंः 2024-25 च्या वर्सा खातीर आपलो अर्थसंकल्प मांडून तो पास करपाक राज्य वेंचणूक आयोगान म्हापशें पालिका मंडळाक परवानगी दिल्या. लोकसभा वेंचणुकेच्या आचार संहितेक लागून ही अर्थसंकल्पीय बसका घेवपाक आडमेळे आयिल्ले. आयोगान परवानगी दिल्ल्या म्हापशें पालिका मंडळाची ही बसका आयज (बुधवार) 27 मार्चाक सकाळीं 11 वरांचेर पालिका सभाघरांत जातली.
बसकेंत मांडपाच्या अर्थीक प्रस्तावां संबंदी वेंचणूक आयोगान कसलेच निर्बंध घालूं नात. ताका लागून आमकां अर्थ संकल्पाचेर मेकळेपणान चर्चा करपाक मेळटली अशें नगराध्यश्र नूतन बिचोलकार हिणे सांगलें. पालिका मंडळान अर्थ संकल्पीय बसका आपयल्ली मात वेंचणूक आचार संहिता लागू जाल्ल्यान ती रद्द करची पडिल्ली.
आचार संहितेक लागून पालिका मंडळाक नवे अर्थीक प्रस्ताव मांडपा मेळचे नात.पालिकेचो कारभार चलोवपाक जाय तितलीच अर्थीक तजवीज करपाक मेळटली अशें आदलो नगराध्यक्ष संदीप फळारीन सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
