भांगरभूंय | प्रतिनिधी
भांगरभूंय । प्रतिनिधी
दिवचलः लोकसभा वेचणुकेतलें भाजपाची दक्षीण गोंयांतली उमेदवार पल्लवी धेंपो आनी उत्तर गोंयांतलो उमेदवार श्रीपाद नायक हाणे मुख्यमंत्री डॉ प्रमोद सावंत आनी प्रदेश भाजपा अध्यक्ष आनी राज्यसभा खासदार सदानंद शेट तानावडे हांच्या वांगडा हातुर्ली- मयांच्या मठांत वचून ब्रह्मेशानंद स्वामीचे आशिर्वाद घेतले.
संवसारीक पांवड्यार पंतप्रधान नरेंद्र मोदी खूब बरें काम करतात. गोयांत डॉ प्रमोद सावंत सांस्कृतीक आनी आध्यात्मीक दायज वाडोवपाक मोलाचो वावर करता. तांच्या वावराक लागून गोंयांत जायत्या मळार सुदारणा जाता. नरेंद्र मोदी हाणी देशांत क्रांती घडोवन हाडल्या अशें ह्या वेळार स्वामीन सांगले. राजकारणांत बायलांक संद दिवप व्हो ताचो भोवमान आसा अशें सांगतना आध्यात्मीक परिशदेक गोंय सरकारान सहकार्य करपाचें गोंय सरकाराचें धोरण येवकार दिवपा सारकें आसा अशें स्वामीन सांगलें.
ब्रम्हेशानंद स्वामीक भेट घेवपाक गेल्ल्यां मदी मयेचो आमदार प्रेमेंद्र शेट, आदलो आमदार सिद्धार्थ कुकळ्येकार, दयानंद कारबोटकारस, मयांचो सरपंच विद्यानंद कारबोटकार हांचो आसपाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
