भांगरभूंय | प्रतिनिधी
नवी दिल्ली, खबरां संस्था ः इलेक्ट्रीक गाडयांचो (ईव्ही) देशांतल्या बाजारांत एक वेगळोच ट्रेंड पळोवपाक मेळटा. दुचाकी गाडये परस मोटारीची विक्री अडेज पटीन चड जाता. ते भायर पयलेच खेपे एका वर्सात इलेक्ट्रीक गाडयांची विक्रीन एक लाखांचो आंकडो हुपलो. ग्लोबल ऑटोमोबायल मार्केट रिसर्च कंपनी जॅटो डायनॅमिक्सा मार्च विक्रेच्या अहवाला प्रमाण 31 मार्च 2023-24 दिसा सोंपपी अर्थीक वर्सा इलेक्ट्रीक गाडयांची विक्री विक्रमी 1.02 लाख पार जाल्या. ही विक्री 2022-23 वर्सा परस 67 टक्क्यांनी चड आसा. ह्या काळांत इलेक्ट्रीक दुचाकी वाहनांचो विक्री विक्रम 7.58 लाखां परस चड जाल्लो. पूण फाटल्या अर्थीक वर्सा परस 26 टक्के चड आसा.
बॅटरी 50 टक्के सवाय, उत्पादन खर्च उणो
संवसारांतली सगळ्यांत व्हडली बॅटरी कंपनी सीएटीएल कंपनीच्या म्हणण्या प्रमाण फेब्रुवारी मेरेनच्या तुळेंत ईव्ही (लिथियम) बॅटरींचो दर सुमार 50 टक्क्यांनी देंवलो. गोल्डमन सॅक्सच्या अहवाला प्रमाण बॅटरींत वापरिल्ल्या लिथियम आनी कोबाल्ट ह्या कच्च्या मालाचे दर फाटल्या म्हयन्यांत खूब देंवले.
विक्रमी विक्री उपरांतय…
सरकाराच्या वाहन पोर्टल आनी जॅटो डायनॅमिक्सच्या आंकड्यां प्रमाण देशांत विकपाक येवपी वट्ट गाडयां मदीं फकत 2.3 टक्के गाडयो ईव्ही आसात. दुचाकी बाजारांत ईव्हीचो वाटो 4.8 टक्के आसा.
ईव्ही रेंज दर वर्सा वाडता
ब्लूमबर्ग एनईएफच्या म्हणण्या प्रमाण 2018 वर्सा सावन इलेक्ट्रीक गाडयांची रेंज वर्साक सुमार 10 टक्क्यांनी वाडत आसा. 2018 वर्सा संवसारभर ईव्हीची सरासरी रेंज 230 किमी. आशिल्ली. 2022 वर्सा ती वाडून 338 किमी. जाली. आतां 700 किमी मेरेन वचपी कार उपलब्ध जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
