भांगरभूंय | प्रतिनिधी
14 देशांतल्या शाळेंतल्या भुरग्यांचेर युनेस्कोचो अभ्यास
वॉशिंग्टन, खबरां संस्था ः तुमी तुमच्या भुरग्यांक शाळेंत आसतना वा ट्युशन क्लासांत आसतना मोबायलाचेर मेसेज धाडटात जाल्यार जतनाय घेयात. कारण, ताका लागून भुरग्यांची समजून घेवपाची वा अभ्यास करपाची तांक उणी जाता. संवसारांतल्या 14 देशांनी युनेस्कोन केल्ल्या अभ्यासा प्रमाण, शाळेत शिक्षण घेवप चालू आसतना विद्यार्थ्यानी फोनाचेर मेसेज पळयलो जाल्यार भुरग्यांक परतून अभ्यासात लक्ष केंद्रीत करपाक 20 तरी मिनटां लागतात. हाका लागून भुरगीं अस्वस्थ जावपाक लागल्यात. तशेंच भुरग्यांची एकाग्रताय उणी जायत आसा.
ह्या अहवाला प्रमाण भुरग्यांक मोबायलाचेर मेसेज आयल्या उपरांत भुरग्यांक तो पळयल्या बगर रावूंक जायना देखून अभ्यासाचेर लक्ष केंद्रीत करप कठीण जाता. हे परिस्थितींत भुरग्यांक मोबायल फोन व्हरपाक मेळटा अशा शाळांनी भुरग्यांची तांक उणी जायत आसा. ह्या भुरग्यांक खंयचीय गजाल उसरां समजता, तांच्या लक्षांत ती उसरां येता. फ्यू रिसर्चाच्या अहवाला प्रमाण अमेरिकेंतल्या 95 टक्के किशोरवयीन भुरग्यांकडेन स्मार्टफोन आसात. हांतूतल्या 91 टक्के भुरग्यांक 13-14 वर्सां पिरायेचेर मोबायल मेळ्ळा.
भुरग्यांक इश्ट उणे, होमवर्कचोय वेळय उणो
अमेरिकेंत शालेय भुरग्यां सयत किशोरवयीन भुरग्यांचे इश्ट खूब उणे आसात. कांय इश्ट आसात पूण ते चड संपर्कांत नात. मानसशास्त्राचो प्राध्यापक झेन त्वेंग सांगता, भुरगीं गृहपाठाचेर उणो वेळ घालयतात आनी फुकट वेळार सतत फोनाचेर व्यस्त आसतात.
अभ्यासांतल्यान अशेंय दिसून आयलां की पालकांनी भुरग्यांक सतत मेसेज वा फोन केल्यार ह्या भुरग्यांक समस्या सोडोवंक मेळनात, तीं स्वयंपूर्ण जावंक शकनात. हीं भुरगीं व्हड जातकच लेगीत तांचो आत्मविस्वास उणो आसता. ती सदांच आवय-बापायचेर आदारून रावतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
