भांगरभूंय | प्रतिनिधी
श्रीलंका क्रिकेट पंगडान हांगाच्या इंटरनॅशनल क्रिकेट स्टेडियमाचेर पयले टॅस्टींत येजमान बांगलादेशाक 328 धांवड्यांनी हारयलो. ह्या जैता सयत श्रीलंकेन दोन टॅस्टींचे माळेंत 1-0 अशी आघाडी घेतली. आयसीसी वर्ल्ड टॅस्ट चॅम्पियनशीप (डब्ल्यूटीसी) 2023-25तलें हें पयलें जैत थारलें. ह्या जैता उपरांत श्रीलंका डब्ल्यूटीसी गुणतकट्यांत सवे सुवातेर पावलो.
फास्ट बॉलर कासुन रजितान 56 धांवड्यो दिवन 5 विकेटी घेतल्यो. ताका लागून बांगलादेशाचो दुसरो डाव चवथ्या दिसा 182चेर सोंपोवपाक श्रीलंकेक येस आयलें. बांगलादेशाक जैता खातीर 511 धांवड्यांची मोख मेळिल्ली.
बांगलादेशा वतीन फकत मोमिनुल हकान संघर्श केलो. ताणें 148 बॉलांनी 87 धांवड्यो केल्यो. हातूंत 12 चवके आनी एका सक्याचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.