भांगरभूंय | प्रतिनिधी
भांगरभूंय । प्रतिनिधी
वास्कोः मुरगांव नागरीक शिगमोत्सव समिती वतीन तशेंच हेर वाठारांनी होळयेची धुळवड व्हडा उमेदीन जाली. शिगमोत्सव समिती वतीन ग्रामदेव श्री दामोदराक गुलाल ओपल्या उपरात धुळवडीक सुरवात जाली.
मुरगांव नागरीक शिगमोत्सव समितीचो उपाध्यक्ष शेखर खडपकार, सचीव संतोष खोर्जुवेकार, भांडारी चंद्रकांत गांवस हांच्या वांगडा मुरगांवचो आमदार संकल्प आमोणकार, मुरगांव पालिका मंडळाचो नगराध्यक्ष गिरीश बोरकार, नगरसेवक दीपक नायक, नारायण बोरकार, आदलो नगराध्यक्ष नंदादीप राऊत, आदली नगराध्यकषा तारा केरकार, आदली उपनगराध्य रिमा सोनुर्लेकार आनी वास्कोतले लोक व्हडा संख्येन धुळवडींत वांटेकार जाल्ले.
वर्स पद्दती प्रमाण बॅड बाजासयत भव्य मिरवणूक काडली. तातूंत विदेशी नागरीक लेगीत वांटेकार जाल्ले. स्वातंत्र्य पथा वयल्यान एफएल गोम्स मार्गा वयल्यान मिरवणूक मुरगांव पालिका इमारती सामकार सोपली. सडा, बायणा, मांगोरहील, नवेंवाडें, वाडें, दाबोळी आनी हेर वाठारांत लेगीत धुळवड उमेदीन जाली.
———————————————————-
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
