भांगरभूंय | प्रतिनिधी
पणजी, प्रतिनिधी : भारतीय जनता पक्षान दक्षीण गोंयांत पल्लवी धेंपे हांकां उमेदवारी दिवन खूब वर्सांनी नवो पावंडो घाला. तो इतिहास घडोवन हाडू शकता. दक्षीण गोंय मतदारसंघांत आयज मेरेन बायल खासदार कोणूच जावंक ना. त्यो वेंचून आयल्यो जाल्यार दक्षीण गोंयच्यो पयल्यो आनी राज्यांतल्यो दुसर्यो बायल. लोकसभा खासदार जातल्यो. भारतीय जनता पक्षाचो विचार केलो जाल्यार पयलेच खेपो पक्षान लोकसभे खातीर बायलेक उमेदवारी दिल्या.
महाराष्ट्रवादी गोमंतक पक्षा वतीन संयोगिता राणे ही १९८० वर्सा उत्तर गोंयांतल्यान वेचून आयिल्ली. उत्तर आनी दक्षीण गोंय मेळून आतां मेरेन १८ जाण खासदार जाल्या. केंद्रीय मंत्री श्रीपाद नायक, एदुआर्द फालेरो, फ्रान्सीस सार्दीन , चर्चिल आलेमांव, एराज्मो सिक्वेरा हे एका परस चड फावट वेंचून आयल्यात.
उत्तर गोंयचे खासदार
१. पीटर अल्वारीस (मगो , १९६२)
२. जनार्दन शिंक्रे (अपक्ष, १९६७)
३. पुरूषोत्तम काकोडकार (काँग्रेस, १९७१)
४. अमृत कांसार (मगो, १९७७)
५. संयोगिता राणे (मगो, १९८०)
६. शांताराम नायक (काँग्रेस, १९८४)
७. गोपाळराव मयेंकार (मगो, १९८९)
८. हरिश झांट्ये (काँग्रेस, १९९१)
९. ॲड. रमाकांत खलप (मगो, १९९६)
१०. रवी नायक (काँग्रेस, १९९८)
११. श्रीपाद नायक (भाजप, १९९९, २००४, २००९, २०१४, २०१९)
दक्षीण गोंयचे खासदार
१. मुकूंद शिंक्रे (मगो, १९६२)
२. एराज्मो सिक्वेरा (युगो, १९६७, १९७१)
३. एदुआर्द फालेरो (काँग्रेस, १९७७, १९८०, १९८४, १९८९, १९९१)
४. चर्चिल आलेमांव (युगोडेपा (१९९६) आनी काँग्रेस (२००४)
५. फ्रान्सीस सार्दिन (काँग्रेस, १९९८, २००७, २००९, २०१९)
६. रमाकांत आंगले (भाजप, १९९९)
७. ॲड. नरेंद्र सावयकार (भाजप, २०१४)
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
