भांगरभूंय | प्रतिनिधी
मेरठ, खबरां संस्था: जनता कॉलनींत भाड्याच्या घरांत जावपी एका मजुराच्या घरांत शॉर्टसर्किटाक लागून मोबयलाचो स्फोट जालो आनी उजो लागलो. कुडींत आशिल्लीं चार भुरगीं हुलपलीं. भुरग्यांक वाटावपा खातीर आयिल्लें जोडपेंय हुलपलें. मेरठ हांगच्या मोदीपुरमचे कॉलनींत ही घडणूक घडली.
उजो भगभगता तें पळोवन लोकांनी पुलिसांक आपयले. पुलिसांनी जखमींक हॉस्पिटलांत उपचारा खातीर धाडलीं. उपचारा वेळार चारूय भुरग्यांक मरण आयलें. सध्या भुरग्यांक वाटावपाक गेल्ले आवयक दिल्लीच्या एम्स रुग्णालयांत दाखल केलां. बापायची स्थिती गंभीर आसा.
नेमकें कितें घडलें?
मुझफ्फरनगर जिल्ह्यांतल्या सिखेडा हांगा रावपी जॉनी (४१) हो मजूर म्हणून काम करता. ते बायल बबिता (३७) आनी तांची चार भुरगीं सारिका (१०), निहारिका (८), गोलू (६) आनी कल्लू (५) हांचे सयत मोदीपुरमचे जनता कॉलनींत एका भाड्याचे कुडींत रावतात. शेनवारा सकाळीं कुडींत भुरगीं खेळटालीं. कुडींत खाटीचेर वायरी सगळ्याक पातळिल्ल्यो. भुरगीं मोबायल चार्जर इलेक्ट्रिकल बोर्डाक लायताली. चार्जर बसयतना शॉर्ट सर्कीट जालें. मोबायलाचो स्फोट जाल्ल्यान खाटीक उजो लागलो. तसो उजो पुराय कुडींत पातळ्ळो. कांय वेळांतूच उजो भगभगपाक लागलो. ह्या उज्यांत कुींत खेळपी चार भुरगीं आनी तांचे आवय बापूय हुलपलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
