भांगरभूंय | प्रतिनिधी
पणजी, प्रतिनिधी : पणजी स्मार्ट सीटीचीं कामां सगळ्या पिरायेच्या लोकां खातीर योग्य, फायद्याचीं आनी पुरक थारची म्हूण स्मार्ट सीटी म्हामंडळान सल्लागार समिती स्थापन केल्या. गोंय राज्य दिव्यांग आयोगाचे सचिव हे सल्लागार समितीचे अध्यक्ष आसात.
अध्यक्षां सयत समितीचे 10 वांगडी आसात. दिव्यांग मंडळाचे सल्लागार प्रकाश कामत, ड्रॅगचे अध्यक्ष आवेलीनो डिसा आनी हेर सल्लगार समितीचे वांगडी आसा. स्मार्ट सीटी येवजणे खाला रस्ते, सिवरेज तशेच हेर कामां सुरू आसात. हीं कामां 31 मे मेरेन पूर्ण जातलीं. सामान्य लोकां सयत ह्या मुळाव्या सुविधांचो दिव्यांग तशेच ज्येश्ठ नागरिकांक उपेग जावपाक जाय. ही समिती कामांची पळोवणी करुन आवश्यक त्यो सुचोवण्यो करतली. कामाची पळौवणी करपाचे अधिकार समितीक आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
