भांगरभूंय | प्रतिनिधी
फाल्यां होळी. हो रंगपंचमीचो उत्सव खुबश्या जाणांक आवडटा. सगळीं विंगड विंगड रंगान आनी उदकान होळी खेळटात. रंग पंचमीक एक वेगळी उमेद भारतांतल्या जायत्या सुवातींनी दिसून येता. ह्या उत्सवाची उमेद एकामेकांक रंगांनी रंगयतात. मात, ह्या रंगांनी विवीध रसायनां आसतात जाका लागून कांतीक आनी भलायकेक खूब लुकसाण जाता. मात आतां काळजी करूं नाका. आमी आयज तुमकां सांगतलीं होळयेच्या रंगां पसून केसांची आनी तुमचे कांतीची जतनाय कशी घेवची तें.
होळयेचो परंपरीक रंग म्हळ्यार गुलाल. तातूंत विंगड विंगड धातू आसतात जाका लागून कांतीचेर पुळयो आनी दाग अशे त्रास जावपाक शकतात. तणेंच केंसूय सुकतात. अशे परिस्थितींत आपल्या केंसांची आनी कांतीची जतनाय कशी घेवची हें आयज जाणून घेवया.
होळी खेळचे पयलीं ह्यो कांय गजाली लक्षांत दवरच्यो:
१. रंगपंचमी खातीर भायर सरचे पयलीं शीया बटर वा एलोवेरा घालून तयार केल्ल्या मॉइस्चरायझराचो दाट थर कांतीचेर लावचो. ताका लागून रंग लायल्या उपरांत कांत ड्राय जायना.
२) कांत तिकतिकीत दिसपा खातीर तुमी टी ड्री अर्क आनी एडलवायस अर्का पसून तयार केल्लें तेल वापरपाक शकतात. च्या झाडाचो अर्क आनी एडलवायस अर्काचें तेल वापरून कांत तिकतिकीत उरता.
३) भायर वयचे पयलीं तोंडार आनी कांतीचेर एसपीएफ ३० वा ५० आशिल्ली स्पेक्ट्रम वॉटरप्रूफ सनस्क्रीन लावची, जाका लागून सुर्याच्या किरणां पसून कांतीची राखण जाता.
४) तेच प्रमाण केसांची जतनाय घेतना खोचरेल तेलाची केंसांक हलक्या हातानी मसाज करची. अशें केल्यार तुमच्या केसांक रंग चिकटून उरचो ना. तशेंच पुराय आंग धांपता तसले कपडे घालचे. जाका लागून कांतीचो त्रास जावचो ना.
रंगपंचमी उपरांत कांत आनी केसांची जतनाय कशी घेवची?
१) रंगपंचमी खेळ्ळ्या उपरांत पांयाच्या नाखटां सावन केंसां मेरेन रंग वचना, अशे स्थितींत कितें करपाचें.
२) कांतीचो रंग काडपाक सॉफ्ट क्लींजर वापरचो, हाका लागून कसलीच एलर्जी जावंक दिनासतना रंग काडून उडोवंक मेळटा. पुराय आंग निवळ करून पुसून घेवचें आनी मागीर मॉइस्चरायझर लावचें, जें कांतीक रिहायड्रेट करून कांतीचीं ड्रायपणां उणें करतली.मात कांय दीस अशेंच मॉइस्चरायझर वापरत रावचें. खंयच्याय तरेची इचींग वा काञत तांबडी जाल्या आसत जाल्यार कोल्ड कॉम्प्रेस वापरचो. तशेंच केंसांक आलें, शीया बटर, मोरिंगा तेल वा केळीं सारकिल्ल्या पदार्थांनी तयार केल्ले शॅम्पू वापरात.
३) केंसांच्या तंतूक हायड्रेट करपाक, पोशण दिवपाक केंसांचो मास्क वा कंडीशनर वापरचो.
४) कांत हायड्रेटेड दवरपा खातीर भरपूर उदक पियेवप. सेगीत चिडचिडेपण वा एलर्जी जाल्यार बेगोबेग दोतोराचो सल्लो घेवचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
